header

ການສ້າງຂະບວນການ ຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ V ຂອງອົງຄະນະພັກ ແຂວງວຽງຈັນ

ຫ້ອງວ່າການ ປົກຄອງແຂວງ ວຽງຈັນ ໄດ້ຈັດການແຂ່ງຂັນກິລາບານສົ່ງ ຍິງ ແລະ ຊາຍ ຂຶ້ນຢູ່ທີ່ສະໜາມບານສົ່ງ ຫ້ອງວ່າການປົກຄອງແຂວງ ເພື່ອເປັນການສ້າງຂະບວນການ ຂຳນັບຮັບຕ້ອນກອງປະຊຸມໃຫຍ່ ຄັ້ງທີ V ຂອງອົງຄະນະພັກແຂວງ ວຽງຈັນທີ່ຈະໄຂຂຶ້ນໃນມໍ່ໆນີ້, ພ້ອມດຽວກັນນັ້ນ ກໍ່ເພື່ອເປັນການແຂ່ງຂັນສ້າງຄວາມສາມັກຄີ, ມິດຕະພາບ ລະຫວ່າງ ບັນດາພະແນກການ ແລະ ຫ້ອງການສັງກັດ ເພື່ອຊີງຂັນ ທ່ານຫົວໜ້າຫ້ອງວ່າການປົກຄອງແຂວງວຽງຈັນ ໂດຍໃຫ້ກຽດເຂົ້າຮ່ວມຕິດຕາມ ຊົມ - ເຊຍ ຈາກ ທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆ ວຽງຈັນ ແລະ ບັນດາທ່ານ ຫົວໜ້າ - ຮອງຫົວໜ້າ, ອ້າຍ - ເອື້ອຍ - ນ້ອງ - ພະນັກງານ ບັນດາພະແນກການ ແລະ ຫ້ອງການເຂົ້າຮ່ວມຢ່າງພ້ອມພຽງ.


ທີມນັກກິລາ ທີ່ເຂົ້າຮ່ວມການແຂ່ງຂັນ ລວມທັງໝົດຄື: 

           +ບານສົ່ງຊາຍ: ມີ 7 ທີມຄື:

            1.ຫ້ອງວ່າການປົກຄອງ ແຂວງວຽງຈັນ

            2.ພະແນກໂຍທາທິການ ແລະ ຂົນສົ່ງ ແຂວງວຽງຈັນ

            3.ພະແນກພາຍໃນ + ຫ້ອງການປັບປຸງທຸລະກິດ

            4.ພະແນກການຕ່າງປະເທດ + ຫ້ອງການສົ່ງເສີມຄວາມກ້າວໜ້າແມ່ຍິງ ແລະ ເດັກນ້ອຍ + ຫ້ອງການປກຊ-ປກສ + ຫ້ອງການກໍ່ສ້າງຮາກຖານການເມືອງ

            5.ພະແນກກະສິກຳ-ປ່າໄມ້ ແຂວງວຽງຈັນ

            6.ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ + ຫ້ອງການສະຖິຕິ

            7.ກຸ່ມບໍລິສັດ ມາລີນີ ຈຳກັດ

         +ທີມບານສົ່ງຍິງ ມີ 4 ທີມຄື:

            1.ຫ້ອງວ່າການປົກຄອງ ແຂວງວຽງຈັນ

            2.ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ + ຫ້ອງການສະຖິຕິ

            3.ພະແນກພາຍໃນ + ຫ້ອງການປັບປຸງທຸລະກິດ

            4.ພະແນກການຕ່າງປະເທດ + ຫ້ອງການ ປກຊ-ປກສ + ຫ້ອງການສົ່ງເສີມຄວາມກ້າວໜ້າແມ່ຍິງ ແລະ ເດັກນ້ອຍ+ ຫ້ອງການກໍ່ສ້າງຮາກຖານການເມືອງ

      -ການແຂ່ງຂັນໄດ້ ເລີ່ມແຕ່ວັນທີ 14 ຫາວັນທີ 23/07/2015 ການແຂ່ງຂັນແມ່ນບັນຍາກາດ ຟົດຟື້ນໃນແຕ່ລະນັດ, ຜູ້ຊະນະໄດ້ເຂົ້າຮອບ ແລະ ຜູ້ເສຍແມ່ນຕົກ.

ຜົນການແຂ່ງຂັນມີຄືດັ່ງນີ້: 

    +ການແຂ່ງຂັນບານສົ່ງຊາຍ: ທີມທີ່ໄດ້ເຂົ້າຊີງຊະນະເລີດ ແມ່ນທີມ: ພະແນກພາຍໃນ + ຫ້ອງການປັບປຸງທຸລະກິດ ພົບກັບ ກຸ່ມບໍລິສັດ ມາລີນີ ຈຳກັດ

    ຜົນການແຂ່ງຂັນແມ່ນ ກຸ່ມບໍລິສັດ ມາລີນີ ຈຳກັດ ເປັນຜູ້ຊະນະເລີດ 2 ຕໍ່ 1 ເກມ ແລະ ໄດ້ຄອງຂັນຊະນະເລີດ ທ່ານຫົວໜ້າຫ້ອງວ່າການ ປົກຄອງ ແຂວງວຽງຈັນ.

+ການແຂ່ງຂັນບານສົ່ງຍິງ: ທີມທີ່ໄດ້ເຂົ້າຊີງຊະນະເລີດແມ່ນທີມ: ຫ້ອງວ່າການປົກຄອງ ແຂວງວຽງຈັນ ພົບກັບ ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ + ຫ້ອງການສະຖິຕິ

ຜົນການແຂ່ງຂັນ: ທີມຫ້ອງວ່າການປົກຄອງ ແຂວງວຽງຈັນ ສາມາດ ເອົາຊະນະ 2 ເກມລວດ, ໄດ້ຄອງຂັນຊະນະເລີດ ທ່ານຫົວໜ້າ ຫ້ອງວ່າການປົກຄອງ ແຂວງວຽງຈັນ.