header

ໜ່ວຍສະຫະພັນແມ່ຍິງ ຫ້ອງວ່າປົກຄອງ ແຂວງ ແລະ ຫ້ອງການອ້ອມຂ້າງ ທັດສະນະສຶກສາ ແດນສະຫວັນ ໃນວັນສ້າງຕັ້ງ ສະຫະພັນແມ່ຍິງລາວ ຄົບຮອບ 60 ປີ.

ໜ່ວຍສະຫະພັນແມ່ຍິງຫ້ອງວ່າປົກຄອງແຂວງ ແລະ ຫ້ອງການອ້ອມຂ້າງທັດສະນະສຶກສາ ແດນສະຫວັນ ໃນວັນສ້າງຕັ້ງ ສະຫະພັນແມ່ຍິງລາວ ຄົບຮອບ 60ປີ.

ໃນວັນທີ 17 ກໍລະກົດ 2015 ສະຫະພັນແມ່ຍິງ ຫ້ອງວ່າປົກຄອງແຂວງວຽງຈັນ ແລະ ຫ້ອງການອ້ອມຂ້າງ ໄດ້ໄປທັດສະນະສຶກສາ ຢູ່ອ່າງນ້ຳງື່ມ I ແລະ ແດນສະຫວັນຣີສອດ ເນື່ອງໃນວັນສ້າງຕັ້ງ ສະຫະພັນແມ່ຍິງລາວ ຄົບຮອບ 60ປີ. ນຳພາໂດຍທ່ານ ນາງ ສິງຄຳ ຄົງສະຫວັນ ຄະນະປະ ຈຳພັກແຂວງ, ຮອງເຈົ້າແຂວງໆວຽງຈັນ, ພ້ອມດ້ວຍໜ່ວຍສະຫະພັນແມ່ຍິງ ຫ້ອງວ່າການປົກຄອງແຂວງວຽງຈັນ ແລະ ແມ່ຍິງຈາກຫ້ອງການອ້ອມຂ້າງ ຫຼາຍກວ່າ100ທ່ານ.

ຈຸດປະສົງໃນການທັດສະນະສຶກສາໃນຄັ້ງນີ້ ກໍ່ເພື່ອໃຫ້ເອື້ອຍນ້ອງແມ່ຍິງ ແຕ່ລະຫ້ອງການໄດ້ມີໂອກາດພົບປະແລກປ່ຽນບົດຮຽນເຊິ່ງກັນ ແລະ ກັນ ທາງດ້ານແນວຄວາມຄິດກໍ່ຄືທາງດ້ານໜ້າທີ່ວຽກງານ, ນອກນີ້ ຍັງເປັນການພັກຜ່ອນ ຄວາມອິດເມື່ອຍ ຈາກການເຮັດໜ້າທີ່ວຽກງານ ແລະ ເປັນການໃຫ້ຂອງຂັວນແກ່ເອື້ອຍນ້ອງແມ່ຍິງ ໃນວັນສ້າງຕັ້ງ ສະຫະພັນແມ່ຍິງລາວ ຄົບຮອບ 60ປີ ຕື່ມອີກ. ຄະນະຂອງໜ່ວຍແມ່ຍິງ ທີ່ໄປທັດສະນະສຶກສາ ໃນຄັ້ງນີ້ລວມມີ: ໜ່ວຍສະຫະພັນແມ່ຍິງ ຫ້ອງວ່າການປົກຄອງແຂວງ, ຫ້ອງການສົ່ງເສີມຄວາມກ້າວໜ້າແມ່ຍິງ ແລະ ເດັກນ້ອຍ, ຫ້ອງການປັບປຸງທຸລະກິດ, ກອງເລຂາອ່າງນ້ຳງື່ມ, ຫ້ອງການປກສ-ປກຊ, ຫ້ອງການກາແດງ, ຫ້ອງການຄະນະກຳມະການກວດກາ ແລະ ຄວບຄຸມຢາເສບຕິດ, ຫ້ອງການພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ຫ້ອງການກໍ່ສ້າງຮາກຖານ-ການເມືອງ, ເຊິ່ງໄດ້ໄປທ່ຽວຊົມທີວທັດທຳມະຊາດ ຂອງອ່າງນ້ຳງື່ມIທີ່ຫຼາຍທ່ານຂະໜານນາມວ່າ: ທະເລເມືອງລາວ. ຈາກນັ້ນໄດ້ໄປທ່ຽວຊົມ ແດນສະຫວັນຣີສອດ ທີ່ຖືກຂະໜານນາມວ່າເປັນດິນແດນຂອງຄົນຮັ່ງມີ.

ຜ່ານການທ່ຽວຊົມຕົວຈິງເຫັນວ່າ: ງົດງາມສົມຄຳລ້ຳລື ແລະ ຂະໜານນາມແທ້ໆ.