header

ແຂວງວຽງຈັນ ສະຫຼອງ ວັນສ້າງຕັ້ງ ຊາວໜຸ່ມ ປປ ລາວ

ວັນທີ 23 ເມສາຜ່ານມານີ້ ແຂວງວຽງຈັນ ໄດ້ຈັດພິທີ ສະເຫຼີມສະຫຼອງ ວັນສ້າງຕັ້ງ ຄະນະຊາວໜຸ່ມ ປປ ລາວ ຄົບ ຮອບ 60 ປີ (14/4/1955-14/4/2015) ຂຶ້ນໂດຍເລີ່ມຕົ້ນ ດ້ວຍການນຳຂອງແຂວງ, ພະນັກງານຫຼັກແຫຼ່ງພະແນກການ ພາຍໃນແຂວງ ເຂົ້າວາງກະຕ່າ ດອກໄມ້ທີ່ອະນຸສອນ ສະຖານ ປະທານ ໄກສອນ ພົມວິຫານ ແລະ ຕໍ່ດ້ວຍໂຮມ ຊຸມນຸມມິດຕິງ ທີ່ສະໂມສອນ ຊາວໜຸ່ມຂອງແຂວງ ໂດຍການ ໃຫ້ກຽດເຂົ້າຮ່ວມຂອງ ສະຫາຍ ດຣ. ວິໄລວົງ ບຸດດາຄຳ ເລຂາ ພັກ ເລຂາຄະນະບໍລິຫານງານ ສູນກາງຊາວໜຸ່ມ ປປ ລາວ, ສະຫາຍ ວິນັດ ສີສຸວົງ ກຳມະ ການພັກແຂວງ, ຫົວໜ້າຫ້ອງວ່າການປົກຄອງແຂວງ, ມີການນຳຂອງແຂວງ, ມີອະດີດ ເລຂາຊາວໜຸ່ມແຕ່ລະຮຸ່ນຂອງ ແຂວງ, ພະນັກງານອາວຸໂສ, ຊາວໜຸ່ມພະ ແນກການ, ໂຮງຮຽນ, ໂຮງ ໝໍ ແລະ ນັກຮຽນເຂົ້າຮ່ວມ. ສະຫາຍ ນາງ ຈັນທະຄອນ ສີອຳພອນ ເລຂາຄະນະ ບໍລິຫານງານຊາວໜຸ່ມແຂວງ ວຽງຈັນ ໄດ້ລາຍງານຜົນງານ ແລະ ການເຄື່ອນໄຫວທີ່ພົ້ນ ເດັ່ນຂອງຄະນະບໍລິຫານງານ ຊາວໜຸ່ມແຂວງວຽງຈັນ ໃນໄລ ຍະຜ່ານມາ ມີບາງຕອນສຳຄັນ ສະຫາຍກ່າວວ່າ: ໃນໄລຍະ ຜ່ານມາ ຄະນະບໍລິ ຫານງານ ຊາວໜຸ່ມແຕ່ລະຊຸດ ໄດ້ນຳພາ ຂະບວນຊາວໜຸ່ມຈັດຕັ້ງປະຕິ ບັດຂໍ້ແຂ່ງຂັນ 4 ບຸກ ແລະ 6 ໂຄງການຈຸດສຸມປະຕິບັດ 2 ໜ້າທີ່ຍຸດ ທະສາດ ປົກປັກຮັກ ສາ ແລະ ສ້າງສາພັດທະນາ ປະເທດຊາດ ຕາມແນວທາງ ປ່ຽນແປງໃໝ່ຂອງພັກ, ພາຍ ໃຕ້ການຊີ້ນຳໆພາຂອງຄະນະພັກ ກໍຄືຄະນະບໍລິຫານງານ ຊາວໜຸ່ມແຂວງວຽງຈັນ; ຊາວ ໜຸ່ມໄດ້ກາຍເປັນກຳລັງແຮງ ຕົ້ນຕໍໃນບັນດາຫົວໜ່ວຍທຸລະ ກິດຄອບຄົວ, ຜະລິດກະສິ ກຳ, ຫັດຖະກຳ, ການຄ້າ ແລະ ການບໍລິການ, ສ້າງແຫຼ່ງລາຍ ຮັບໃຫ້ແກ່ຄອບຄົວ ເຮັດໃຫ້ຄອບຄົວຊາວໜຸ່ມພົ້ນທຸກ ປະກອບສ່ວນເຮັດ ໃຫ້ບ້ານທຸກ ຍາກທົ່ວແຂວງຫຼຸຸດລົງຈາກ 88 ບ້ານຍັງເຫຼືອ 15 ບ້ານ; ພ້ອມ ນີ້ ຍັງເປັນເຈົ້າການໃນການຈັດ ຕັ້ງປະຕິບັດຂໍ້ແຂ່ງຂັນ 2 ສາ ມັກຄີ 4 ບຸກ; 2 ສາມັກຄີ 3 ດີ 4 ພັດທະນາ ກໍຄື 4 ບຸກຂອງ ຊາວໜຸ່ມ, ການປະຕິບັດຂໍ້ແຂ່ງ ຂັນ 3 ດີ 4 ຮູ້ຂອງເຍົາວະຊົນ ກໍໄດ້ຮັບການຈັດຕັ້ງປະຕິບັດ ຕະຫຼອດມາ ແລະ ເຮັດຢ່າງ ກວ້າງຂວາງ ສາມາດປະກາດ ຮັບຮອງເປັນໜ່ວຍຕົວແບບ 4 ບຸກໄດ້ 185 ໜ່ວຍ ແລະ ກອງ ເຍົາວະຊົນນຳໜ້າ 3 ດີ 4 ຮູ້ ຈຳນວນ 5 ກອງ. ມາຮອດປະ ຈຸບັນ ຄະນະບໍລິຫານງານຊາວ ໜຸ່ມແຂວງວຽງຈັນ ຊຸດທີ 7 ມີ ທັງໝົດ 31 ສະຫາຍ, ຍິງ 9 ສະຫາຍ, ມີສະມາຊິກຊາວ ໜຸ່ມ 25.000 ກວ່າສະຫາຍ.

ໃນໂອກາດນີ້ ສະຫາຍ ດຣ. ວິໄລວົງ ບຸດດາຄຳ ໄດ້ໃຫ້ ກຽດໂອ້ລົມ ຊຶ່ງທ່ານໄດ້ກ່າວ ຊົມເຊີຍຜົນງານ ແລະ ຜົນສຳ ເລັດທີ່ຄະນະບໍ ລິຫານງານຊາວ ໜຸ່ມແຂວງວຽງຈັນສ້າງມາໄດ້ ໃນໄລຍະຜ່ານມາ ແລະ ເນັ້ນ ບາງບັນຫາໃຫ້ຄະນະບໍລິຫານ ງານຊາວໜຸ່ມແຂວງວຽງຈັນ ໃຫ້ເອົາໃຈ ໃສ່ສືບຕໍ່ນຳພາຊາວ ໜຸ່ມປະກອບສ່ວນຢ່າງຕັ້ງໜ້າ ໃນໜ້າທີ່ວຽກງານຂອງຕົນ ເພື່ອກຽມຄວາມພ້ອມເຂົ້າຮ່ວມ ປະຊາຄົມອາຊຽນ, ສືບຕໍ່ເຊີດ ຊູນ້ຳໃຈຮັບຜິດຊອບ, ນ້ຳໃຈຮັກຊາດເພື່ອເຮັດໃຫ້ຊາວໜຸ່ມ ກາຍເປັນຜູ້ສືບທອດທີ່ດີ, ສືບ ຕໍ່ເສີມຂະຫຍາຍເນື້ອໃນ 4 ບຸກ ເຮັດໃຫ້ ຊາວໜຸ່ມ ພາຍໃນແຂວງ ກາຍເປັນຊາວໜຸ່ມ 4 ບຸກ.