header

ແຂວງວຽງຈັນຈັດພິທີປາຖະກະຖາ 4 ວັນ ປະຫວັດສາດສຳຄັນຂອງຊາດ

ໃນຕອນເຊົ້າຂອງວັນທີ 12 ຕຸລາ 2022 ນີ້ ຢູ່ທີ່ຫ້ອງປະຊຸມໃຫຍ່ ຂອງຫ້ອງວ່າການແຂວງວຽງຈັນໄດ້ຈັດພິທີ ປາຖະກະຖາ 4 ວັນປະຫວັດສາດ ຄື: ວັນຊາດ ສປ ຈີນ ຄົບຮອບ 73 ປີ (1 ຕຸລາ 1949 - 1 ຕຸລາ 2022), ວັນປະກາດເອກະລາດ ຄົບຮອບ 77 ປີ ( 12 ຕຸລາ 1945 – 12 ຕຸລາ 2022), ວັນສ້າງຕັ້ງການທູດລາວ ຄົບຮອບ 77 ປີ ( 12 ຕຸລາ 1945 – 12 ຕຸລາ 2022), ວັນສາກົນ ແລະ ຊັບປະດາແຫ່ງຊາດ ເພື່ອລົບລ້າງຄວາມທຸກຍາກຂອງ ສປປ ລາວ ຄົບຮອບ 35 ປີ (17 ຕຸລາ 1987 – 17 ຕຸລາ 2022) ແລະ ຄົບຮອບ 19 ປີ (17 ຕຸລາ 2003 – 17 ຕຸລາ 2022)ຂື້ນ ໂດຍໃຫ້ການປາຖະກະຖາຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງໆວຽນຈັນ ແລະ ມີ ຄະນະປະຈຳ, ກໍາມະການພັກແຂວງ, ພະນັກງານຫຼັກແຫຼ່ງຈາກບັນດາພະແນກການ, ອົງການ ແລະ ກົມກອງອ້ອມຂ້າງແຂວງເຂົ້າຮ່ວມຮັບຟັງ.

ສະຫາຍເລຂາພັກແຂວງໄດ້ກ່າວວ່າການສະເຫຼີມສະຫຼອງໃນປີນີ້ແມ່ນຢູ່ໃນທ່າມກາງທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດເວົ້າລວມ, ເວົ້າສະເພາະ ແຂວງວຽງຈັນ ຂອງພວກເຮົາ ພວມພ້ອມກັນບຸກບືນຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດສັງຄົມ ຄັ້ງທີ IX ຂອງລັດ ຄຽງຄູ່ກັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງ ຢ່າງເປັນຂະບວນຟົດຟື້ນ ແລະ ມີຜົນສຳເລັດເປັນກ້າວໆ.

ຂຽນໂດຍ: ວິໄລພອນ ສີຫາລາດ.