header

ອົງການໄອຍະການປະຊາຊົນສູງສຸດ ລົງຢ້ຽມຢາມ ແລະ ເຮັດວຽກຢູ່ແຂວງວຽງຈັນ

ໃນຕອນເຊົ້າຂອງວັນທີ 12 ຕຸລາ 2022 ນີ້, ທ່ານ ພູວົງ ບຸນຊູ ຮອງເຈົ້າແຂວງໆວຽງຈັນ ພ້ອມດ້ວຍຄະນະ ໄດ້ຕ້ອນຮັບ ທ່ານ ຄຳເພັດ ສົມວໍລະຈິດ ຄະນະປະຈຳພັກ, ຮອງຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະ, ຢູ່ທີ່ຫ້ອງຮັບຮອງຂອງ ຫ້ອງວ່າການແຂວງວຽງຈັນ.

ໂອກາດດັ່ງກ່າວ ທ່ານ ຄຳເພັດ ສົມວໍລະຈິດ, ໄດ້ລາຍງານເຖິງຈຸດປະສົງທີ່ລົງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງວຽງຈັນ ໃຫ້ທ່ານ ຮອງເຈົ້າແຂວງໄດ້ຮັບຊາບ, ໂດຍອີງຕາມແຜນການຂອງກົມຈັດຕັ້ງ-ພະນັກງານ, ອົງການປະຊາຊົນສູງສຸດ ກ່ຽວກັບການລົງເຄື່ອນໄຫວວຽກງານຢູ່ແຂວງວຽງຈັນ. ຊຶ່ງຄະນະດັ່ງກ່າວຈະໄດ້ລົງເຄື່ອນໄຫວເຮັດວຽກຕົວຈິງກຳນົດເວລາ 1 ວັນຮ່ວມກັບອົງການໄອຍະການປະຊາຊົນແຂວງ ແລະ ຄະນະນຳຂອງອົງການໄອຍະການປະຊາຊົນບັນດາເຂດ ແຂວງວຽງຈັນ.

ໂດຍ: ວິໄລພອນ