header

ເລຂາທິການສະພາແຫ່ງຊາດ ລົງຢ້ຽມຢາມ ແລະ ເຮັດວຽກຢູ່ແຂວງວຽງຈັນ

ໃນຕອນເຊົ້າຂອງວັນທີ 07 ຕຸລາ 2022 ນີ້, ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງໆວຽງຈັນ, ໄດ້ຕ້ອນຮັບ ທ່ານ ນາງ ປິ່ງຄຳ ລາຊະສີມາ, ກຳມະການສູນກາງພັກ, ກຳມະການຄະນະປະຈຳ ສພຊ, ເລຂາທິການ ສພຊ ພ້ອມດ້ວຍຄະນະ, ຢູ່ທີ່ຫ້ອງຮັບຮອງຂອງ ຫ້ອງວ່າການແຂວງວຽງຈັນ.

ໂອກາດດັ່ງກ່າວ ທ່ານ ນາງ ປິ່ງຄຳ ລາຊະສີມາ, ໄດ້ລາຍງານເຖິງຈຸດປະສົງທີ່ລົງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງວຽງຈັນ ໃຫ້ທ່ານ ເຈົ້າແຂວງໄດ້ຮັບຊາບ, ໂດຍອີງຕາມແຜນການຂອງຄະນະເລຂາທິການະສະພາແຫ່ງຊາດ ກ່ຽວກັບການລົງຕິດຕາມຊຸກຍູ້ ແລະ ເກັບກຳຂໍ້ມູນການເຄື່ອນໄຫວວຽກງານ ຂອງຄະນະເລຂາທິການສະພາປະຊາຊົນຂັ້ນແຂວງ. ຊຶ່ງຄະນະດັ່ງກ່າວຈະໄດ້ລົງເຄື່ອນໄຫວເຮັດວຽກຕົວຈິງກຳນົດເວລາ 1 ວັນຮ່ວມກັບຄະນະເລຂາທິການສະພາປະຊາຊົນແຂວງ.