header

ແຂວງວຽງຈັນຈັດພິທີສະເຫຼີມສະຫຼອງແຂວງວຽງຈັນຈັດພິທີສະເຫຼີມສະຫຼອງວັນລັດຖະທຳມະນູນຄົບຮອບ 30 ປີ.ຮອບ 30 ປີ.

ໃນ​ວັນ​ທີ 17 ສິງ​ຫາ 2021 ຢູ່​ທີ່​ຫ້ອງວ່າ​ການ​ແຂວງວຽງ​ຈັນ ໄດ້​ຈັດ​ພິ​ທີ​ສະ​ເຫຼີມ​ສະຫຼອງວັນ​ລັດ​ຖະ​ທຳ​ມະ​ນູນ​ຄົບ​ຮອບ 30 ປີ ( 15 ສິງ​ຫາ 1991 – 15 ສິງ​ຫາ 2021 ) ໂດຍ​ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ຄຳ​ພັນ  ສິດ​ທິ​ດຳ​ພາ ກຳ​ມະ​ການ​ສູນ​ກາງ​ພັກ ເລກ​ທີ​ພັກ​ແຂວງ ເຈົ້າ​ແຂວງວຽງ​ຈັນ, ເຊິ່ງ​ມີ​ບັນ​ດາ​ຄະ​ນະ​ປະ​ຈຳ​ພັກ​ແຂວງ, ກຳ​ມະ​ການ​ພັກ​ແຂວງ ແລະ ຕາງ​ໜ້າ​ບັນ​ດາ​ພະ​ແນກ​ການ, ກົມ​ກອງ ຫ້ອງ​ການ​ເຂົ້າ​ຮ່ວມ.

ໃນ​ພິ​ທີ​ດັ່ງ​ກ່າວ​ທ່ານ ຄຳ​ພັນ ສິດ​ທິ​ດຳ​ພາ ໄດ້​ຂຶ້ນ​ວາງ​ກະ​ຕ່າ​ດອກ​ໄມ້ ​ຕໍ່​ໜ້າ​ຮູບຫຼໍ່ ປະ​ທານ​ໄກ​ສອນ ພົມ​ວິ​ຫານ ເພື່ອ​​ສະ​ແດງ​ຄວາມຮູ້​ບຸນ​ຄຸນ​ແດ່​ຜູ້​ນຳ​ທີ່​ແສນ​ເຄົາ​ລົບ​ຮັກ​ຕະຫຼອດ​ການ ຂອງ​ປວງ​ຊົນ​ລາວ​ທັງ​ຊາດ, ຫຼັງ​ຈາກ​ນັ້ນທ່ານ​ກໍ່​ໄດ້​ໃຫ້​ກຽດ​ຂຶ້ນປາ​ຖະ​ກະ​ຖາ​ເລົ່າ​ຄືນ​ມູນ​ເຊື້ອ ຂອງວັນ​ລັດ​ຖະ​ທຳ​ມະ​ນູນ​ແຫ່ງ​ຊາດ ຄົບ​ຮອບ 30 ປີ, ຊຶ່ງ​ທ່ານກໍ່​ໄດ້​ກ່າວ​ໃຫ້​ຮູ້​ໃນ​ບາງ​ຕອນ​ວ່າ: ລັດ​ຖະ​ທຳ​ມະ​ນູນ ເປັນ​ກົດ​ໝາຍ​ແມ່, ເປັນ​ແມ່​ແຫ່ງ​ກົດ​ໝາຍ ໄດ້​ມາ​ຈາກ​ໝາກ​ຜົນ​ແຫ່ງ​ການ​ຕໍ່​ສູ້​ເປັນ​ກົດ​ໝາຍ​ພື້ນ​ຖານ​ຂອງ​ຊາດ ຂອງ​ລະ​ບົບ​ປະ​ຊາ​ທິ​ປະ​ໄຕ ປະ​ຊາ​ຊົນ ເພື່ອ​ສຶກ​ສາ​ອົບ​ຮົມ​ປະ​ຊາ​ຊົນ​ລາວ​ບັນ​ດາ​ເຜົ່າ ຍົກ​ສູງ​ນ້ຳ​ໃຈ​ຮັກ​ຊາດ​ຮັກ​ລະ​ບອບ​ໃໝ່ ປົກ​ປັ​ກ​ຮັກ​ສາ ແລະ ສ້າງ​ສາ​ພັດ​ທະ​ນາ​ປະ​ເທດ​ຊາດ​ຕາມ​ທີ່​ພັກ​ກຳ​ນົດ​ໄວ້.  ສະ​ນັ້ນ, ການ​ປະ​ກາດ​ໃຊ້​ລັດ​ຖະ​ທຳ​ມະ​ນູນ​ເປັນ​ເຫດ​ການ​    ການ​ເມືອງ ທີ່​ສຳ​ຄັນ​ຂອງ​ຊາດ ພ້ອມ​ທັງ​ເປັນ​ຂີດ​ໝາຍ​ແຫ່ງ​ການ​ຫັນ​ໄປ​ສູ່​ການ​ຄຸ້ມ​ຄອງ​ລັດ ຄຸ້ມ​ຄອງ​ສັງ​ຄົມ​ດ້ວຍ​ກົດ​ໝາຍ ແລະ ສ້າງ​ລັດ​ແຫ່ງ​ກົດ​ໝາຍ​ເທື່ອ​ລະ​ກ້າວ ໃຫ້​ເຕີບ​ໃຫຍ່​ຂະ​ຫາຍ​ຕົວ​ຂອງ​ລະ​ບອບ​ປະ​ຊາ​ທິ​ປະ​ໄຕ​ປະ​ຊາ​ຊົນ ພາຍ​ໃຕ້​ການ​ນຳ​ພາ​ອັນ​ສະຫຼາດ​ສ່ອງ​ໃສ​ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ.

ສະ​ນັ້ນ​ໃນ​ໂອ​ກາດ​ວັນ​ລັດ​ຖະ​ທຳ​ມະ​ນູນ ວັນ​ທີ 15 ສິງ​ຫາ  ຄົບ​ຮອບ 30 ປີ ຈຶ່ງ​ໄດ້​ຮຽກ​ຮ້ອງ​ໃຫ້​ພໍ່​ແມ່​ປະ​ຊາ​ຊົນ​ລາວ​ບັນ​ດາ​ເຜົ່າ​ຈົ່ງ​ຮ່ວມ​ກັນ​ສະ​ເຫຼີມ​ສະຫຼອງວັນ​ສຳ​ຄັນ​ນີ້​ຢ່າງ​ເປັນ​ຂະ​ບວນ​ຟົດ​ຟື້ນ, ເຊື່ອມ​ຊຶມ ແລະ ກຳ​ແໜ້ນ​ກ່ຽວ​ກັບ​ລັດ​ຖະ​ທຳ​ມະ​ນູນ ແລະ ກົດ​ໝາຍ ເປັນ​ເຈົ້າ​ການ​ປະ​ຕິ​ບັດ​ກົດ​ໝາຍ​ຢ່າງ​ເຂັ້ມ​ງວດ ຮູ້​ນຳ​ໃຊ້​ກົດ​ໝາຍ​ເພື່ອ​ປົກ​ປ້ອງ​ສິດ​ຜົນ​ປະ​ໂຫຍດ​ອັນ​ຊອບ​ທຳ ແລະ ປະ​ຕິ​ບັດ​ພັນ​ທະ​ຂອງ​ຕົນ​ຢ່າງ​ຖືກ​ຕ້ອງ.