header

ທ່ານ ທາເກວາກະ ໂຄໂຊ KEIZO TAKEWKA ເອກອັກຄະລັດຖະທູດ ຍີ່ປຸ່ນ ປະຈຳ ສປປ ລາວ ລົງຢ້ຽມຢາມ ແຂວງວຽງຈັນ

ໃນຕອນເຊົ້າຂອງວັນທີ 25 ກຸມພາ 2021 ຢູ່ທີ່ຫ້ອງວ່າການແຂວງວຽງຈັນ, ທ່ານ ຄຳພັນ ສິດທິດຳພາ ເລຂາພັກແຂວງ ເຈົ້າແຂວງໆວຽງຈັນ ໄດ້ໃຫ້ກຽດຕ້ອນຮັບການເຂົ້າຢ້ຽມຢາມ ທ່ານ ທາເກວາກະ ໂຄໂຊ KEIZO TAKEWKA ເອກອັກຄະລັດຖະທູດ ຍີ່ປຸ່ນ ປະຈຳ ສປປ ລາວ ທີ່ລົງມາຢ້ຽມຢາມ ແຂວງວຽງຈັນ.

ໃນໂອກາດນີ້ ທ່ານເຈົ້າແຂວງໆວຽງຈັນກໍ່ໄດ້ສະແດງຄວາມຕ້ອນຮັບອັນອົບອຸ່ນ ແລະ ຕີລາຄາສູງໃນການເຂົ້າຢ້ຽມຢາມ ຂອງ ທ່ານ ທາເກວາກະ ໂຄໂຊ KEIZO TAKEWKA ເອກອັກຄະລັດຖະທູດ ຍີ່ປຸ່ນ ປະຈຳ ສປປ ລາວ ທີ່ລົງມາຢ້ຽມຢາມ ແຂວງວຽງຈັນ ເພືອເປັນການສືບຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ ສປປ ລາວ ແລະ ຍີ່ປຸ່ນ ໃນພາຍພາກໜ້າ.

ໂອກາດເຂົ້າຢ້ຽມຂໍ່ານັບ ໃນຄັ້ງນີ້, ທ່ານ ທາເກວາກະ ໂຄໂຊ KEIZO TAKEWKA ເອກອັກຄະລັດຖະທູດ ຍີ່ປຸ່ນ ປະຈຳ ສປປ ລາວ ໄດ້ສະແດງຄວາມຂອບໃຈມາຍັງ ທ່ານ ຄຳພັນ ສິດທິດຳພາ ເລຂາພັກແຂວງ ເຈົ້າແຂວງໆວຽງຈັນ ທີ່ໄດ້ເສຍສະຫຼະເວລາອັນມີຄ່າ ໃຫ້ການຕ້ອນຮັບຢ່າງອົບອຸ່ນໃນຄັ້ງນີ້ ແລະ ໄດ້ຢັ້ງຢືນຕື່ມວ່າຈະນຳເອົາບັນສະເໜີ ຂອງທ່ານເຈົ້າແຂວງໆວຽງຈັນ ນຳໄປຄົ້ນຄ້ວາ ແລະ ຈະສືບຕໍ່ຜັນຂະຫຍາຍ ໃຫ້ການຊ່ວຍເຫຼືອແຂວງວຽງຈັນໃນຕໍ່ໜ້າ ໃຫ້ນັບມື້ນັບດີຂຶ້ນໄປເລື້ອຍໆ.