header

ອົງຄະນະພັກແຂວງວຽງຈັນ ເປີດກອງປະຊຸມຄົບຄະນະບໍລິຫານງານພັກ ຄັ້ງທີ 12

 

ກອງປະຊຸມຄົບຄະນະບໍລິ ຫານງານພັກແຂວງວຽງຈັນ ຄັ້ງທີ 12 ສະໄໝທີ V ໄດ້ເປີດ ຂຶ້ນໃນວັນທີ 30 ກັນຍານີ້, ຢູ່ທີ່ ຫ້ອງປະຊຸມຂອງຫ້ອງວ່າການ ແຂວງ, ໂດຍພາຍໃຕ້ການເປັນ ປະທານຂອງ ທ່ານ ຄຳພັນ ສິດທິ ດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ມີບັນດາສະຫາຍຄະ ນະປະຈຳ, ກຳມະການພັກແຂວງ, ເລຂາພັກເມືອງ ເຈົ້າເມືອງ, ພ້ອມດ້ວຍບັນດາຫົວໜ້າພະ ແນກການ, ອົງການ, ກົມກອງ ຂອງແຂວງເຂົ້າຮ່ວມ.

ທ່ານ ຄຳພັນ ສິດທິດຳພາ ໄດ້ກ່າວໄຂກອງປະຊຸມວ່າ: ກອງ ປະຊຸມຈະໄດ້ພ້ອມກັນສຸມໃສ່ ຮັບຟັງການລາຍງານບາງເອກະ ສານສໍາຄັນຈໍານວນໜຶ່ງເປັນ ຕົ້ນ: ຮັບຟັງການສະຫຼຸບຄືນ ການຈັດຕັ້ງປະຕິບັດວຽກງານໃນ 9 ເດືອນຜ່ານມາ ແລະ ວາງແຜນ ການໃນ 3 ເດືອນ ທ້າຍປີ 2020, ຮັບຟັງການລາຍງານຄືນໃນ ການດໍາເນີນກອງປະຊຸມ 2 ຂັ້ນ ຂອງພັກ ຄື: ຮາກຖານພັກ ແລະ ອົງຄະນະພັກເມືອງ ແລະ ທິດ ທາງການກະກຽມກອງປະຊຸມ ໃຫຍ່ ຄັ້ງທີ 6 ຂອງແຂວງ. ສໍາລັບ ບົດລາຍງານການເມືອງ ແລະ ແຜນພັດທະນາເສດຖະກິດ-ສັງ ຄົມ ແມ່ນບໍ່ໄດ້ຜ່ານບົດແຕ່ໄດ້ ແຈກຢາຍບົດຄໍາຖາມເຈາະຈີ້ມ ໃຫ້ຜູ້ແທນກອງປະຊຸມມີຄໍາຄິດ ຄໍາເຫັນໃສ່ບົດທັງສອງ, ຮັບຟັງ ການລາຍງານຄວາມພ້ອມ ແລະ ຂະບວນການໃນການກະກຽມ ກອງປະຊຸມໃຫຍ່ ຄັ້ງທີ 6 ຂອງ ອົງຄະນະພັກແຂວງວຽງຈັນ ເພື່ອ ກະກຽມຄວາມພ້ອມທາງດ້ານ ເນື້ອໃນໃຫ້ແກ່ກອງປະຊຸມໃຫຍ່ ຄັ້ງທີ 6 ຂອງອົງຄະນະພັກ ແຂວງວຽງຈັນ ທີ່ຈະໄຂຂຶ້ນໃນ ເວລາອັນໃກ້ນີ້. ສະນັ້ນ, ບັນດາ ສະຫາຍທັງໝົດທີ່ເຂົ້າຮ່ວມ ກອງປະຊຸມໃນຄັ້ງນີ້ ຈະໄດ້ສຸມ ທຸກສະຕິປັນຍາເຂົ້າໃນການຄົ້ນ ຄວ້າ, ປະກອບຄໍາຄິດຄໍາເຫັນ ໂດຍຈັດຕັ້ງປະຕິບັດຜ່ານມາ ສົມທົບໃສ່ພຶດຕິກໍາຕົວຈິງທີ່ ໄດ້ ເພື່ອນໍາມາສົນທະນາແລກ ປ່ຽນເຊິ່ງກັນ ແລະ ກັນ ວ່າມີບັນ ຫາໃດເຮັດໄດ້ດີ ແລະ ບັນຫາໃດ ຍັງເຮັດບໍ່ທັນໄດ້ດີ, ຍັງມີຄໍາ ຮ້ອງທຸກຈົ່ມວ່າ, ການສະເໜີ ຂອງສັງຄົມທີ່ເລັ່ງທວງໃຫ້ສຸມ ໃສ່ແກ້ໄຂໃຫ້ໝົດ ໄປໂດຍໄວ, ແນໃສ່ເຮັດໃຫ້ກອງປະຊຸມຄັ້ງ ນີ້ມີເນື້ອໃນໜັກແໜ້ນ ເພື່ອກ້າວ ໄປສູ່ຄວາມເປັນເອກະພາບສູງ ເພື່ອກຳນົດທິດທາງແຜນການ ໃຫ້ຖືກຕ້ອງ, ສອດຄ່ອງກັບສະ ພາບ ແລະ ເງື່ອນໄຂຄວາມເປັນ ຈິງໃນແຕ່ລະໄລຍະເຮັດໃຫ້ ການຊີ້ນໍາ-ນໍາພາໃນທຸກຂົງເຂດ ວຽກງານເກີດດອກອອກຜົນ ແລະ ນັບມື້ມີປະສິດທິພາບສູງ ຂຶ້ນ, ເພື່ອເຮັດໃຫ້ເນື້ອໃນຮ່າງ ເອກະສານສໍາຄັນດັ່ງກ່າວໃຫ້ມີ ເນື້ອໃນຄົບຖ້ວນ, ເພື່ອພ້ອມກັນ ກ້າວໄປສູ່ກອງປະຊຸມໃຫຍ່ ຄັ້ງທີ 6 ຂອງອົງຄະນະພັກແຂວງ ວຽງຈັນໃນຕໍ່ໜ້າໃຫ້ເຕັມໄປ ດ້ວຍເນື້ອໃນອຸດົມສົມບູນ ແລະ ມີຄວາມໝາຍເລິກເຊິ່ງ.