header

ກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບຄັ້ງທີ IV

ກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບຄັ້ງທີ IV ໄດ້ໄຂຂື້ນຢ່າງເປັນທາງການ

 

ກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບ, ແຂວງວຽງຈັນ ໄດ້ໄຂຂຶ້ນຢ່າງເປັນທາງການ ໃນວັນທີ 3-4 ມີຖຸນາ 2020 ນີ້ ຢູ່ທີ່ສະໂມສອນຂອງເມືອງຫີນເຫີບ ໂດຍການເປັນປະທານຂອງສະຫາຍ ຄຳຫລ້າ ບຸນຍາສິງ ວ່າການເລຂາພັກເມືອງ, ເຈົ້າເມືອງຫີນເຫີບ ແລະ ໃຫ້ກຽດເຂົ້າຮ່ວມຂອງສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ ເຈົ້າແຂວງໆ ວຽງຈັນ, ມີບັນດາຄະນະຊີ້້້ນຳກອງປະຊຸມໃຫຍ່ສາມຂັ້ນຂອງແຂວງ, ອາດີດການນຳ, ພະນັກງານອາວຸໂສ-ບຳນານຂອງເມືອງ, ເຈົ້າເມືອງ 4 ຕົວເມືອງ ອ້ອມຂ້າງເຂົ້າຮ່ວມ ກອງປະຊຸມຄັ້ງນີ້ມີຜູ້ແທນສົມບູນເຂົ້າຮ່ວມທັງໝົດ118 ສະຫາຍ, ຍິງ 11 ສະຫາຍ ເຊິ່ງເປັນຕົວແທນໃຫ້ແກ່ສະມາຊິກພັກທົ່ວເມືອງ 1.266 ສະຫາຍ ຍີງ 268 ສະຫາຍ.

ສະຫາຍ ຄຳຫລ້າ ບຸນຍາສີງ ວ່າການເລຂາພັກເມືອງ, ເຈົ້າເມືອງຫີນເຫີບ ໄດ້ກ່າວໄຂກອງປະຊຸມໃຫຍ່ຜູ້ແທນອົງຄະນະພັກເມືອງຫີນເຫີບຄັ້ງທີIVຢ່າງເປັນທາງການເຊິ່່ງສະຫາຍ ໄດ້ກ່າວວ່າ: ກອງປະຊຸມຄັ້ງນີ້ບັນດາຜູ້ແທນສົມບູນຈະໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນໃສ່ຮ່າງບົດລາຍງານການເມືອງ, ແຜນພັດທະນາເສດຖະກິດ-ສັງຄົມ, ບົດສຳຫຼວດການນຳພາລວມຂອງຄະ
ນະບໍລິຫານງານພັກເມືອງຊຸດເກົ່າ, ໄດ້ຕີລາຄາດ້ານດີ, ດ້ານອອ່ນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ llI ໃນ 5 ປີ ຜ່ານມາ, ພ້ອມນີ້ກອງປະຊຸມໃຫ່ຍໄດ້ເປັນເອກະສັນກັນ ຮັບຮອງເອົາທິດທາງແຜນການ 5 ປີ ນັບແຕ່ 2020 ຮອດປີ 2024 ຢຶດໝັ້ນ ແລະ ປະຕິບັດແນວທາງປ່ຽນແປງໃໝ່ຂອງພັກຮັບປະກັນໃຫ້ເມືອງຫີນເຫີບ ມີສະຖຽນນະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ, ການພັດທະນາເສດຖະກິດ-ສັງຄົມ ກັບວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ສ້າງເງື່ອນໄຂພັດທະນາຕາມແລວເສດຖະກິດຂອງແຂວງ ແນໃສ່ເຮັດໂຄງປະກອບເສດຖະກິດຂອງເມືອງໃຫ້ມີການຫັນປ່ຽນໄປຕາມທິດຢ່າງຕໍ່ເນື່ອງ, ໝັ້ນທ່ຽງ, ເປັນຮູບປະທໍາ ແລະ ສົມສ່ວນ ເພື່ອສູ້ຊົນເຮັດໃຫ້ຈັງຫວະການຂະຫຍາຍຕົວຂອງລາຍຮັບພາຍໃນເມືອງ ຮອດປີ 2024 ຢູ່ໃນອັນດັບ 7%ຕໍ່ປີ, ລວມຍອດຜະລິດຕະພັນພາຍໃນບັນລຸ 629,91 ຕື້ກີບ, ສະເລ່ຍລາຍຮັບຫົວຄົນໃຫ້ບັນລຸຜູ້ໜື່ງໄດ້ຮັບ 17,53 ລ້ານກວ່າກີບ ຕໍ່ຄົນຕໍ່ປີເທົ່າກັບ 1.993 ໂດລາສະຫະລັດ, ຜະລິດເຂົ້າເປືອກສະເລ່ຍຫົວຄົນໃຫ້ບັນລຸ 397 ກິໂລ ຕໍ່ຄົນຕໍ່ປີ.

ພ້ອມນີ້ຍັງໄດ້ຮັບຟັງການປະກອບຄຳຄິດຄຳເຫັນຈາກບັນດາຫ້ອງການ ແລະ ຄອບຄົວຕົວແບບຢູ່ພາຍໃນເມືອງ. ໃນກອງປະຊຸມຍັງໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່ ເຊິ່ງມີຜູ້ຮັບສະໝັກເລືອກຕັ້ງ 23 ສະຫາຍ, ຍິງ 4 ສະຫາຍ. ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກເອົາຄະນະບໍລິຫານງານພັກເມືອງຈຳນວນ19 ສະຫາຍ, ຍິງ 3 ສະຫາຍ, ເລືອກເອົາຄະນະປະຈຳ 5 ສະຫາຍ, ເລືອກເອົາ ສະຫາຍ ວອນ ວໍລະສານ ເປັນເລຂາພັກເມືອງ, ສະຫາຍ ຄຳຫລ້າ ບຸນຍາສິງ ແລະ ສະຫາຍ ກົງຈັນ ພັນທະມິດ ເປັນຮອງເລຂາພັກເມືອງ, ເລືອກເອົາ ສະຫາຍ ຄຳຫລ້າ ບຸນຍາສິງ ເປັນປະທານກວດກາ ພັກເມືອງ ສະຫາຍ ສົມພັນ ອິນທະວົງ ແລະ ສະຫາຍ ສໍລະພົງ ລາດຊະວົງ ເປັນຮອງປະທານກວດກາ, ເລືອກເອົາຜູ້ແທນສົມບູນ ແລະ ສຳຮອງ 12 ສະຫາຍ,ຍິງ 2 ສະຫາຍ ໄປຮ່ວມກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີ VI ຕື່ມອີກ,

ໂອກາດດຽວກັນນີ້ ສະຫາຍ ຄໍາພັນ ສິດທິດຳພາ ກຳມະການສູນກາງພັກ, ເລຂາພັກແຂວງເຈົ້າແຂວງໆວຽງຈັນ ໄດ້ຮຽກຮ້ອງມາຍັງຄະນະບໍລິຫານງານພັກຊຸດໃໝ່, ສະມາຊິກພັກທຸກສະຫາຍຈົ່ງເຊີດຊູຄວາມສາມັກຄີເປັນຈິດໜື່ງໃຈດຽວ ຄະນະພັກອຳນາດການປົກຄອງທຸກຂັ້ນຈະຕ້ອງໄດ້ເພີ່ມທະວີຄວາມສາມັກຄີກັບພໍ່ແມ່ປະຊາຊົນບັນດາເຜົ່າ, ເພີ່ມທະວີການສຶກສາອົບຮົມການເມືອງແນວຄິດໃຫ້ມີຄວາມເລິ່ງເຊິ່ງເຖິງຖອງຕິດພັນກັບທຸກວຽກງານ, ເຮັດໃຫ້ແບບແຜນການນຳພາມີບາດກ້າວໃຫມ່ໄປຕາມທິດສັງຄົມນິຍົມຢ່າງຈະແຈ້ງ, ສຶບຕໍ່ຕ້ານ ແລະ ສະກັດກັ້ນທຸກປະກົດການຫຍໍ້ທໍ້ທີ່ຈະເກີດຂື້ນໃນສັງຄົມ. ປຸກລະດົມ ແລະ ສົ່ງເສີມພໍ່ແມ່ປະຊາຊົນໃຫ້ເອົາໃຈໃສ່ຜະລິດກາຍເປັນສິນຄ້າ ແລະ ພ້ອມກັນຈັດຕັ້ງປະຕິບັດມະຕິກອງປະຊຸມໃຫຍ່ໃນຄັ້ງນີ້ໃຫ້ເກີດໝາກຜົນຕົວຈິງ.