header

ກອງປະຊຸມຄົບຄະນະບໍລິຫານງານພັກແຂວງ ວຽງຈັນ ຄັ້ງທີ 10, ສະໄໝທີ V

ກອງປະຊຸມຄົບຄະນະບໍລິຫານງານພັກແຂວງ ວຽງຈັນ ຄັ້ງທີ 10, ສະໄໝທີ V ໄດ້ໄຂຂື້ນໃນຕອນເຊົ້າມື້ນີ້ ວັນທີ 18 ກຸມພາ 2020, ທີ່ຫ້ອງປະຊຸມໃຫຍ່ ຫ້ອງວ່າການ ແຂວງວຽງຈັນ. ໂດຍພາຍໃຕ້ການເປັນປະທານ ຂອງ ສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາຄະນະບໍລິຫານງານພັກ ແຂວງ, ເຈົ້າແຂວງ ວຽງຈັນ, ເຂົ້າຮ່ວມ ມີບັນດາສະຫາຍ ຄະນະປະຈຳພັກ ແຂວງ, ກຳມະການພັກແຂວງ, ກຳມະການພັກເມືອງ, ເລຂາຄະນະພັກຮາກຖານ, ໜ່ວຍພັກ ແລະ ພະນັກງານ ບຳນານ ອະດີດການນຳຂັ້ນແຂວງ ເຂົ້າຮ່ວມ.

ເຊິ່ງກອງປະຊຸມຄັ້ງນີ້, ຈະໄດ້ພ້ອມກັນຮັບຟັງບົດສະຫຼຸບວຽກງານຮອບດ້ານປະຈໍາປີ 2019 ແລະ ທິດທາງແຜນການຈຸດສຸມ 03 ເດືອນຕົ້ນປີ 2020, ບົດສະຫຼຸບ ສະພາບການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ວຽກງານ 3 ສ້າງ ແລະ ລຶບລ້າງຄວາມທຸກຍາກ ທົ່ວແຂວງວຽງຈັນ ປະຈໍາປີ 2019 ແລະ ທິດທາງແຜນການປີ 2020,ຜ່ານບົດລາຍງານຫຍໍ້ການກະກຽມຮ່າງລາຍງານການເມືອງກອງປະຊຸມອົງຄະນະພັກແຂວງວຽງຈັນ ຄັ້ງທີ VI, ຜ່ານບົດລາຍງານຫຍໍ້ການກະກຽມເເຜນພັດທະນາເສດຖະກິດ-ສັງຄົມ 5 ປີຂອງແຂວງວຽງຈັນ ແລະ ທິດທາງໃນປີ 2020, ຜ່ານບົດສະຫຼຸບການຈັດຕັ້ງປະຕິບັດແຜນງົບປະມານປີ 2019 ເລະ ແຜນງົບປະມານປີ 2020,ຜ່ານຮ່າງມະຕິກອງປະຊຸມ ແລະ ຮ່ວມກັນປະກອບຄໍາເຫັນຕໍ່ເອກະສານຕ່າງໆເຫຼົ່ານີ້.