header

ເມືອງຊະນະຄາມຈັດກອງປະຊຸມ ສະຫຼູບປິດອົບຮົມ-ຫັດແອບ ສ້າງທ່າສະໜາມສູ້ຮົບ ຈັ້ງທ່າປ້ອງກັນ

ໃນຕອນເຊົ້າຂອງວັນທີ 12 ກຸມພາ 2020 ຜ່ານມານີ້ ຢູ່ທີ່ຫ້ອງປະຊຸມກອງບັນຊາການທະຫານເມືອງຊະນະຄາມ ໄດ້ຈັດພິທີເປີດອົບຮົມ-ຫັດແອບ ສ້າງທ່າສະໜາມສູ້ຮົບຈັ້ງທ່າປ້ອງກັນບໍລິເວນຂອງເມືອງຊະນະຄາມ ແຂວງວຽງຈັນ ແຕ່ວັນທີ 30 ມັງກອນ 2020 ຫາ 13 ກຸມພາ 2020 ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆ ວຽງຈັນ, ປະທານປ້ອງກັນຊາດ-ປ້ອງກັນຄວາມສະຫົງບແຂວງວຽງຈັນ, ທ່ານ ພົຕ ສີດາລໍ່ ຈົ່ງເຕັງເຈຍຊ່າ ຮອງຫົວໜ້າກົມໃຫຍ່ເສນາ ກະຊວງປ້ອງກັນປະເທດ, ທ່ານ ພົຈວ ຈັນສະແຫວງ ທິບຄູນທອງ, ຄະນະພັກກະຊວງ ຫົວໜ້າກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ, ທ່ານ ພົຈວ ບຸນມາ ວົງດາລາແສນ ກໍາມະການພັກແຂວງ ເລຂາຄະນະພັກ, ຫົວໜ້າກອງບັນຊາການທະຫານແຂວງວຽງຈັນ, ທ່ານ ພົຈວ ປອທອງເຄນ ບຸນໝັ້ນ ຄະນະປະຈໍາພັກແຂວງ ຫົວໜ້າກອງບັນຊາການປກສແຂວງ, ທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງໆ ຊະນະຄາມ ປະທານ ປກຊ-ປກສ ເມືອງຊະນະຄາມ ແລະ ມີບັນດາກອງບັນຊາການ ປກສ ເມືອງ, ກໍາລັງປ້ອງກັນຄວາມສະຫງົບບ້ານ, ຕະຫຼອດຮອດກໍາລັງຄຸງຫັດແອບຕົວຈິງຂອງທ້ອງຖິ່ນເມືອງຊະນະຄາມ ເຂົ້າຮ່ວມ.

ທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງໆ ປະທານ ປກຊ-ປກສ ເມືອງຊະນະຄາມ ໄດ້ຜ່ານຄໍາສັ່ງຂອງຄະນະກໍາມະການ ປກຊ-ປກສ ແຂວງວຽງຈັນ ວ່າດ້ວຍ ການຫັນຖ້ອງຖິ່ນເຂົ້າສູ້ພາວະສຸກເສີນດ້ານປ້ອງກັນຊາດ ວຽງຈັນ ວໍ-90 ເລກທີ 08/ປກຊ-ປກສ, ລົງວັນທີ 10 ກຸມພາ 202 ແລະ ຜ່ານຮ່າງມະຕິນໍາພາຫັນກໍາລັງປະກອບອາວຸດທ້ອງຖິ່ນ ຈາກພາວະປົກກະຕິ ຂື້ນສູ້ພາວະເພີ່ມທະວີ ຫັນທ້ອງຖິ່ນຈາກພາວະປົກກະຕິເຂົ້າສູ້ພາວະສຸກເສີນດ້ານປ້ອງກັນຊາດ.

ໃນວັນທີ 13 ກຸມພາ 2020 ທ່ານເຈົ້າແຂວງໆວຽງຈັນພ້ອມດ້ວຍຄະນະໄດ້ເຂົ້າຮ່ວມກອງປະຊຸມສະຫຼຸບປິດການອົບຮົມຫັດແອບສ້າງທ່າສະໜາມສູ້ຮົບຈັ້ງທ່າປ້ອງກັນບໍລິເວນຂັ້ນເມືອງຢູ່ເມືອງຊະນະຄາມ ໂດຍທ່ານ ພັທ ພອນໄຊ ສັກບັນດິດ ຄະນະປະຈໍາພັກເມືອງ ຫົວໜ້າກອງບັນຊາການທະຫານເມືອງຊະນະຄາມ ໄດ້ລາຍງານການອົບຮົມຫັດແອບສ້າງທ່າສະໜາມສູ້ຮົບຈັ້ງທ່າປ້ອງກັນບໍລິເວນ ແຕ່ວັນທີ່ 30 ມັງກອນ ຫາ 13 ກຸ່ມພາ 2020 ກໍານົດເວລາ 20 ວັນ, ອົບຮົມຕົວຈິງ 15 ວັນ, ມີຈໍານວນພົນເຂົ້າຮ່ວມທັງໝົດ 272 ສະຫາຍ ມີໜ້າເຂົ້າຮ່ວມຕົວຈິງ 269 ສະຫາຍ, ເປົ້າໝາຍເຂົ້າຮ່ວມຕົວຈິງ 147 ສະຫາຍ, ອົບຮົມຢູ່ພາກຮົ່ມ 45 ສະຫາຍ, ຢູ່ພາກສະໜາມທັງໝົດ 102 ສະຫາຍ. ຜ່ານການລາຍງານໄດ້ໃຫ້ຮູ້ເຖິງດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ແລະ ໄດ້ມອບໃບຍ້ອງຍໍຂອງກອງບັນຊາການທະຫານແຂວງວຽງຈັນ ໃຫ້ພະນັກງານ, ທະຫານ, ຕໍຫຼວດ ແລະ ກໍາລັງ ປກສ ກອງຫຼອນ ມີ: ກໍາລັງ ປກຊ-ປກສ ກະຊວງ 33 ສະຫາຍ, ປກສ-ປກສ ແຂວງ 36 ສະຫາຍ, ອົງການປົກຄອງເມືອງຊະນະຄາມ ແລະ ບ້ານເປົ້າໝາຍ 197 ສະຫາຍ, ລວມທັງໝົດ 266 ສະຫາຍ.

ໃນໂອກາດດັ່ງກ່າວ ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາຄະນະບໍລິຫານງານພັກແຂວງ -ເຈົ້າແຂວງວຽງຈັນ, ປະທານປ້ອງກັນຊາດ-ປ້ອງກັນຄວາມສະຫົງບແຂວງວຽງຈັນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ-ນໍາພາ ຂອງທະຫານ, ຕຳຫຼວດ ທີ່ໄດ້ເອົາໃຈໃສ່ປະຕິບັດຕາມລວມສູນປະຊາທິປະໄຕ, ເຮັດວຽກເປັນໝູ່ຄະນະ ມີແຜນການ ມີການປຶກສາຫາລື ມີການຍາດແຍ່ງຄວາມຄິດຄວາມເຫັນຂອງໝູ່ຄະນະ ມີການແບ່ງວຽງແບ່ງງານ, ມີຄວາມຮັບຜິດຊອບ, ຄວາມຕັດສິນໃຈສູງພ້ອມທັງການປະກອບສ່ວນຂອງຂະແໜງການທີ່ກ່ຽວຂ້ອງຂອງແຂວງເມືອງ ແລະ ບ້ານ. ພ້ອມດຽວກັນທ່ານເຈົ້າແຂວງຍັງໄດ້ໃຫ້ທິດຊີ້ນໍາບາງດ້ານຄື: ໃຫ້ເອົາໃຈໃສ່ວຽກງານສຶກສາອົບຮົມການເມືອງແນວຄິດ ປູກຈິດສໍານຶກໃຫ້ແກ່ພະນັງານ, ທະຫານ, ຕໍາຫຼວດ, ກອງຫຼອນ ປກສ ບ້ານ ຕະຫຼວດຮອດພໍ່ແມ່ປະຊາຊົນບັນດາເຜົ່າ ທີ່ຢູ່ໃນຄວາມຮັບຜິດຊອບຂອງຕົນໃຫ້ດີມີນໍ້າໃຈຮັກຊາດ, ຕ້ານປະກົດການຫຍໍ້ທໍ່ຕ່າງໆເປັນຕົ້ນ: ບັນຫາຢາເສບຕິດ, ການພະນັນຄ້າຂາຍເຖື່ອນທຸກປະເພດ, ໄປຂາຍແຮງງານໂດຍບໍ່ຖືກຕ້ອງຢູ່ຕ່າງປະເທດ, ໂສເພນີໄພສັງຄົມຕ່າງໆ, ການເອົາຜົວ, ເມຍ ຄົນຕ່າງປະເທດທີ່ບໍ່ຖືກກົດໝາຍ, ການຖາງປ່າເຮັດໄຮ່ສະຊາຍ ລັກຕັດໄມ້ ທໍາລາຍປ່າ ແລະ ບັນຫາອື່ນໆ ອີກດ້ວຍ.