header

ເມືອງຊະນະຄາມຈັດກອງປະຊຸມ ເປີດອົບຮົມ-ຫັດແອບ ສ້າງທ່າສະໜາມສູ້ຮົບ ຈັ້ງທ່າປ້ອງກັນ

ໃນຕອນເຊົ້າຂອງວັນທີ 30 ມັງກອນ 2020 ຢູ່ທີ່ຫ້ອງປະຊຸມກອງບັນຊາການທະຫານເມືອງຊະນະຄາມ ໄດ້ຈັດກອງປະຊຸມພິທີເປີດອົບຮົມ-ຫັດແອບ ສ້າງທ່າສະໜາມສູ້ຮົບຈັ້ງທ່າປ້ອງກັນບໍລິເວນຂອງເມືອງຊະນະຄາມ ແຂວງວຽງຈັນ ແຕ່ວັນທີ 30 ມັງກອນ 2020 ຫາ 13 ກຸມພາ 2020 ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆວຽງຈັນ, ປະທານປ້ອງກັນຊາດ-ປ້ອງກັນຄວາມສະຫົງບແຂວງວຽງຈັນ, ທ່ານ ພົຈວ ຈັນສະແຫວງ ທິບຄູນທອງ, ຄະນະພັກກະຊວງ ຫົວໜ້າກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ, ທ່ານ ພົຈວ ບຸນມາ ວົງດາລາແສນ ກໍາມະການພັກແຂວງ, ເລຂາຄະນະພັກ, ຫົວໜ້າກອງບັນຊາການທະຫານແຂວງວຽງຈັນ, ທ່ານ ພົຈວ ປອ ທອງເຄນ ບຸນໝັ້ນ ຄະນະປະຈໍາພັກແຂວງ ຫົວໜ້າກອງບັນຊາການປກສແຂວງ, ທ່ານ ສະໝານ ວິເສດຍະພົງ ເລຂາພັກເມືອງ ເຈົ້າເມືອງໆ ຊະນະຄາມ ປະທານ ປກຊ-ປກສ ເມືອງຊະນະຄາມ, ທ່ານ ພັທ ພອນໄຊ ສັກບັນດິດ ຄະນະປະຈໍາພັກເມືອງ ຫົວໜ້າກອງບັນຊາການທະຫານເມືອງຊະນະຄາມ, ທ່ານ ພັທ ບົວຂາວ ກູດແກ້ວ ແລະ ມີບັນດາກອງບັນຊາການ ປກສ ເມືອງ, ກໍາລັງປ້ອງກັນຄວາມສະຫງົບບ້ານ, ຕະຫຼອດຮອດກໍາລັງຄຸງຫັດແອບຕົວຈິງຂອງທ້ອງຖິ່ນເມືອງຊະນະຄາມ ເຂົ້າຮ່ວມ. ຫຼັງຈາກນັ້ນ ທ່ານ ພັທ ພອນໄຊ ສັກບັນດິດ ຄະນະປະຈໍາພັກເມືອງ, ຫົວໜ້າກອງບັນຊາການທະຫານເມືອງຊະນະຄາມ ໄດ້ຂື້ນລາຍງານຜ່ານແຜນການອົບຮົມ-ຫັດແອບ, ເພື່ອເປັນທິດຊີ້ນໍາໃຫ້ແກ່ການເຄື່ອນໄຫວອົບຮົມ-ຫັດແອບທີ່ສໍາຄັນຄັ້ງນີ້ ໄດ້ຮັບການຈັດຕັ້ງປະຕິບັດຮັບປະກັນເນື້ອໃນເລີກເຊິ່ງ ແລະ ບັນລຸຜົນສໍາເລັດຕາມຈຸດປະສົງຄາດໝາຍ.

ໃນຕອນທ້າຍຂອງກອງປະຊຸມຍັງ ໄດ້ຮັບຟັງການໂອ້ລົມຂອງທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆ ວຽງຈັນ ໂດຍສະເພາະໃຫ້ເອົາໃຈໃສ່ເຊື່ອມຊືມກໍາແໜ້ນເນື້ອໃນທິດສະດີຫຼັກການ ຮູ້ໝູນໃຊ້ຢ່າງຖືກຕ້ອງກ່ຽວກັບແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ກໍາໄດ້ໜ້າທີ່ ແລະ ຮູ້ໝູນໃຊ້ເຂົ້າໃນສະພາບການຕົວຈິງຂອງທ້ອງຖິ່ນຢ່າງມີໄຫວພິກ ແລະ ປະດິດສ້າງ ຕະຫຼອດໄລຍະອົບຮົມ-ຫັດແອບ ຕ້ອງຮັບປະກັນຄວາມປວອດໄພບໍ່ໃຫ້ມີການບາດເຈັບ ອີກດ້ວຍ.