header

ທ່ານເຈົ້າແຂວງພ້ອມດ້ວຍຄະນະ ລົງມອບເຄື່ອງໃຫ້ແກ່ກອງພົນທະຫານຮາບທີ່ 1

ໃນຕອນເຊົ້າຄັ້ງວັນທີ 14 ມັງກອນ 2020 ອົງການປົກຄອງແຂວງວຽງຈັນ ນໍາໂດຍ ທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງແຂວງວຽງຈັນ, ພ້ອມດ້ວຍຄະນະ ໄດ້ລົງຍ້ຽມຍາມ ແລະ ໂອລົມ ຕໍ່ພະນັກງານການນໍາ ແລະ ພະນັກງານຫຼັກແຫຼ່ງ ຢູ່ທີ່ກອງພົນທະຫານຮາບ ທີ 1, ໃນທາມກາງບັນຍາກາດທົ່ວພັກ, ທົ່ວກອງທັບ ແລະ ທົ່ວປ່ວງຊົນທັງຊາດ ພວມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກປະຊາຊົນ ປະຕິວັດລາວ ເຂົ້າສູ່ພຶດຕິກໍາຕົວຈິ່ງ, ຕິດພັນກັບການສ້າງຂະບວນການຕ່າງໆເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນ ປະຕິວັດລາວ ຄົບຮອບ 71 ປີ, ກອງປະຊຸມໃຫຍ່ ຄັ້ງທີ VI ຂອງອົງຄະນະພັກກອງພົນ ແລະ ກະກຽມສະເຫຼີມສະຫຼອງວັນສ້າງຕັ້ງກອງພົນທະຫານຮາບທີ່ 1 ຄົບຮອບ 35 ປີ, ທີ່ຈະມູນວຽນມາອີກວາລະໜື່ງ, ພ້ອມກັນນັ້ນ ໄດ້ຮັບຟັງການລາຍງານສະພາບລວມ ແລະ ການຈັດຕັ້ງປະຕິບັດວຽກງານຜ່ານມາ ຂອງກອງພົນທີ່ 1, ລາຍງານໂດຍ ສະຫານ ພົຈວ ແສງຍືນ ລັດສະນີ ເລຂາຄະນະພັກ ຫົວໜ້າການເມືອງ ກອງພົນທີ 1, ໄດ້ເອົາໃຈໃສ່ສືກສາອົບຮົມການເມືອງ-ນໍາພາແນວຄິດໃຫ້ຖັນແຖວສະມາຊິກພັກ-ນັກຮົບ ພາຍໃຕ້ການຊີ້ນໍາຂອງຕົນໃຫ້ເຊື່ຶອມຊືມ ກໍາແໜ້ນຕໍ່ກົດໝາຍຂອງລັດ, ຂໍ້ກໍານົດລະບຽບຂອງກອງທັບ, ປັບປຸງກໍ່ສ້າງພັກໃຫ້ໜັກແໜ້ນເຂັ້ມແຂງທັງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນນໍາພາ ຈັດຕັ້ງການອົບຮົມຫັດແອບການທະຫານ, ການເມືອງ ແລະ ວິຊາສະເພາະ, ພາຫະນະເຕັກນິກ ແລະ ອາວຸດຍຸດໂທປະກອນເພື່ອຮັບປະກັນໃຫ້ແກ້ການກຽມພ້ອມສູ້ຮົບ, ທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງແຂວງວຽງຈັນ, ໄດ້ຊີ້ນໍາໃຫ້ຄະນະພັກ-ຄະນະບັນຊາ, ນາຍ ແລະ ພົນທະຫານພົນທີ 1 ເອົາໃຈໃສ່ຕໍ່ໜ້າທີ່ວຽກງານ ແລະ ສືກສາອົບຮົມແນວຄິດການເມືອງອ້າຍນ້ອງໃຫ້ມີນໍາໃຈເສຍສະລະ ແລະ ຮັກປະເທດຊາດຮັກບ້ານເກີດເມືອງນອນ, ຄົ້ນຄວ້າສົ່ງເສີມການປູກຝັງ-ລ້ຽງສັດ ໃຫ້ກຸ່ມຕົນເອງ ແລະ ກາຍເປັນສິນຄ້າສົ່ງອອກທັງພາຍໃນ ແລະ ຕ່າງປະເທດ, ພ້ອມດ່ຽວກັນ ທ່ານ ເຈົ້າແຂວງ ກໍ່ໄດ້ມອບເຄື່ອງຂອງອຸປະໂພກ-ບໍລິໂພກ ໂດຍການປະກອບສ່ວນຂອງບັນດາພະແນກການ ແລະ ອົງການຈັດຕັ້ງ ຂອງແຂວງວຽງຈັນ ລວມມູນຄ່າ ຈໍານວນ 4.097.000 ກີບ ໃຫ້ແກ່ກອງພົນນໍາໄປຮັບໃຊ້-ແຈກຍ້າຍໃຫ້ອ້າຍນ້ອງໃນກອງທັບ ແລະ ປ້ອມຍາມຕ່າງໆ.