header

ຄະນະບໍລິຫານງານ ພັກແຂວງວຽງຈັນ ສຳເລັດກອງປະຊຸມ ຄົບຄະນະຄັ້ງທີ 9 ສະໄໝທີ V.

 

ກອງປະຊຸມຄົບຄະນະບໍລິຫານງານພັກແຂວງວຽງຈັນທີ9ສະໄໝທີ V ໄດ້ສຳເລັດລົງໃນວັນທີ 19 ກໍລະກົດ 2019 ຢູ່ທີ່ສະໂມສອນໃຫຍ່ຂອງຫ້ອງວ່າການແຂວງໂດຍການເປັນປະທານຂອງທ່ານຄຳພັນສິດທິດຳພາກຳມະການສູນກາງພັກ, ເລຂາພັກແຂວງ, ວ່າການເຈົ້າແຂວງໆວຽງຈັນ, ມີບັນດາຄະນະປະຈຳ, ກຳມະການພັກແຂວງ, ຄະນະພັກຮາກຖານ, ການນຳອາວຸໂສບຳນານເຂົ້າຮ່ວມ.

ຜ່ານການຄົ້ນຄວ້າ, ປະກອບຄຳເຫັນໃນແຕ່ລະຂົງເຂດວຽກງານຢ່າງເລິກເຊິ່ງ ກອງປະຊຸມໄດ້ເປັນເອກະພາບກັນຫລາຍດ້ານ ເປັນຕົ້ນແມ່ນດ້ານການພັດທະນາເສດຖະກິດ-ສັງຄົມເຫັນດີສຸມໃສ່ຈັດຕັ້ງປະຕິບັດ ບັນດາຄາດໝາຍສູ້ຊົນ ດ້ານເສດຖະກິດມະຫາພາກຂອງແຂວງ ເປັນຕົ້ນແມ່ນການຂະຫຍາຍຕົວຂອງເສດຖະກິດ ໃຫ້ເຕີບໂຕໃນລະດັບ 8,1%, ສ້າງມູນຄ່າເພີ່ມໃຫ້ໄດ້ 7.643 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 16 ລ້ານກວ່າກີບຫລືເທົ່າກັບ 2.000 ໂດລາສະຫາລັດ, ຍູ້ແຮງການຜະລິດເປັນສິນຄ້າຕິດພັນກັບ ການພັດທະນາແລວເສດຖະກິດລາວ-ຈີນຊຸກຍູ້ແລະສົ່ງເສີມການຜະລິດ ສິນຄ້າພູມປັນຍາຂອງຊາວບ້ານໃຫ້ຫລາກຫລາຍແລະມີຄຸນນະພາບສູງ, ຈຳກັດການສ້າງໜີ້ສິນ ,ແກ້ໄຂໜີ້ສິນຄຸມເຄືອໃຫ້ຫລຸດລົົງ, ພັດທະນາເທດສະບານແຂວງໃຫ້ມີສີສັນຕົວເມືອງຂຶ້ນເທື່ອລະກ້າວ. ປັບປຸງກໍ່ສ້າງການຈັດຕັ້ງຮາກຖານພັກໃຫ້ມີຄວາມເຂັ້ມແຂງ, ຄະນະພັກແຕ່ລະຂັ້ນ ສູ້ຊົນຊຸກຍູ້ການກໍ່ສ້າງໜ່ວຍພັກປອດໃສ ເຂັ້ມແຂງໜັກແໜ້ນໃຫ້ເປັນຂະບວນ, ພ້ອມທັງປະເມີນໃຫ້ໄດ້ 80% ຂຶ້ນໄປ, ການແບ່ງຂັ້ນຄຸ້ມຄອງໃນລະບົບການບໍລິຫານລັດຕ້ອງໄດ້ມີການຄົ້ນຄ້ວາແບ່ງຂອດ, ຂັ້ນຄວາມຮັບຜິດຊອບແຕ່ລະຂະແໜງການ ທ້ອງຖິ່ນແລະຮາກຖານຫຼາຍຂຶ້ນ, ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະ ວຽກງານ3ສ້າງແນ່ໃສ່ສ້າງເມືອງໃຫ້ເຂັ້ມແຂງ ແລະ ສ້າງບ້ານພັດທະນາໃຫ້ໄດ້ຕາມຄາດໝາຍ ທີ່ວາງໄວ້ລຶບລ້າງຄວາມທຸກຍາກຂອງປະຊາຊົນບັນດາເຜົ່າທີ່ຍັງເຫລືອໃຫ້ຫລຸດລົງ, ວຽກງານກະກຽມ ແລະ ດຳເນີນກອງປະຊຸມໃຫຍ່3ຂັ້ນຈະໄດ້ປັບປຸງນິຕິກຳ, ແຕ່ງຕັ້ງຄະນະຮັບຜິດຊອບຊີ້ນຳ ບັນດາອະນຸກຳມະການຄືນໃໝ່ໃຫ້ຖືກຕ້ອງຕາມ ຄຳສັ່ງແນະນຳຂອງຂັ້ນເທິງ, ສືບຕໍ່ກະກຽມດ້ານເນື້ອໃນ, ດ້ານບຸກຄະລາກອນ, ດ້ານຂະບວນການອື່ນໆໃຫ້ສຳເລັດ.