header

ເມືອງເກົ່າໄຜ່ໜາມ ລືນາມອ່າງນ້ຳງື່ມ ຕຳນານເດີມລາຍງ້າວ ອູ່ເຂົ້າຊາວເມືອງ ຄົນເຮືອງຂັບງື່ມ ດື່ມດຳທຳມະຊາດ ປະຊາລາດສາມັກຄີ

ທ່ານ ຈັນສີ ໂພສີຄຳ ຊີ້ນຳວຽກງານຢູ່ແຂວງວຽງຈັນ.

ທ່ານ ຈັນສີ ໂພສີຄຳ ຊີ້ນຳວຽກງານຢູ່ແຂວງວຽງຈັນ.

ດ້ວຍຄວາມເປັນຫ່ວງເປັນໄຍຂອງການກົມການເມືອງສູນກາງພັກ ທີ່ມີຕໍ່ການນຳຂັ້ນແຂວງກໍ່ຄືປະຊາຊົນຊາວແຂວງວຽງຈັນ, ໃນວັນທີ 19 ກັນຍາ ຜ່ານມານີ້ ທ່ານ ຈັນສີ ໂພສີຄຳ ກົມການເມືອງສູນກາງ ພັກ,ຫົວໜ້າຄະນະຈັດຕັ້ງສູນກາງພັກໄດ້ລົງຊີ້ນຳວຽງກງານຢູ່ແຂວງວຽງຈັນໂດຍມີທ່ານ ພົນຈັດຕະວາ ສີດາລໍ່ ຈົງເຕັ່ງເຈ້ຍຊ້າ ຮອງເລຂາພັກແຂວງ ແລະ ບັນດາສະຫາຍໃນຄະນະບໍລິຫານງານພັກແຂວງວຽງຈັນໃຫ້ການຕ້ອນຮັບ.

ໃນໂອກາດນີ້ ທ່ານ ຈັນສີ ໂພສີຄຳ ໄດ້ແນະນຳ ແລະ ເນັ້ນໜັກໃຫ້ຄະນະບໍລິຫານງານພັກແຂວງວຽງຈັນເອົາໃຈໃສ່ຫຼາຍບັນຫາເປັນຕົ້ນແມ່ນໃຫ້ເອົາໃຈໃສ່ແກ້ໄຂ ແລະ ຟື້ນຟູຜົນກະທົບຈາກໄພນ້ຳຖ້ວມເພື່ອ ປັບປຸງຊີວິດການເປັນຢູ່ຂອງປະຊາຊົນໃຫ່ກັບຄືນສູ່ຄວາມເປັນປົກກະຕິໂດຍໄວ, ດ້ານກະສິກຳກໍ່ໃຫ້ມີການກະກຽມເງື່ອນໄຂຕ່າງໆເປັນຕົ້ນແມ່ນແນວພັນ, ສ້ອມແປງຊົນລະປະທານ ແລະ ອື່ນໆເພື່ອແນໃສ່ຜະລິດລະດູແລ້ງທີ່ຈະມາເຖິ່ງນີ້ໄດ້ໃຫ້ທັນລະດູການ, ດ້ານສັດລ້ຽງກໍ່ໃຫ້ມີການຕິດຕາມເຝົ້າລະວັງເພື່ອບໍ່ໃຫ້ມີການລະບາດຂອງພະຍາດສັດຫຼັງຈາກນ້ຳບົກແຫ້ງ, ໃຫ້ຄະນະພັກທຸກຂັ້ນຖືເອົາວຽກງານແກ້ໄຂຜົນກະທົບຈາກທຳມະຊາດເປັນວຽກງານຂອງຕົນ, ຄຽງຄູ່ກັນນີ້ກໍ່ຕ້ອງປຸກລະດົມປະຊາຊົນໃຫ້ມີສ່ວນຮ່ວມໃນການຟື້ນຟູຜົນກະທົບຢ່າງເຕັມທີ່.

ນອກຈາກນີ້ ທ່ານ ຈັນສີ ໂພສີຄຳ ຍັງໄດ້ເນັ້ນໜັກໃຫ້ຄະນະພັກແຂວງຕີລາຄາຄືນຜົນສຳເລັດໃນການຈັດຕັ້ງປະຕິບັດປະຕິ X ຂອງພັກ, ສ້າງຄົນໃຫ້ກາຍເປັນບຸກຄະລະກອນທີ່ມີຄວາມີຮູ້ຄວາມສາມາດ, ຍົກສູງສະຕິຮັບໃຊ້ປະຊາຊົນ, ຖືສຳຄັນໃນການກໍ່ສ້າງພັກ-ພະນັກງານແນໃສ່ສ້າງພັກໃຫ້ມີຄວາມເຂັ້ມແຂງໜັກແໜ້ນ.