header

ເມືອງເກົ່າໄຜ່ໜາມ ລືນາມອ່າງນ້ຳງື່ມ ຕຳນານເດີມລາຍງ້າວ ອູ່ເຂົ້າຊາວເມືອງ ຄົນເຮືອງຂັບງື່ມ ດື່ມດຳທຳມະຊາດ ປະຊາລາດສາມັກຄີ

ກອງປະຊຸມປຶສາຫາລື ຜ່ານຮູບພາບທີ່ຈະເຂົ້າຮ່ວມງານວາງສະແດງ ຈີນ-ອາຊຽນ

ກອງປະຊຸມປຶສາຫາລື ຜ່ານຮູບພາບທີ່ຈະເຂົ້າຮ່ວມງານວາງສະແດງ ຈີນ-ອາຊຽນ ຄັ້ງທີ 15 ປີ 2018.

ໃນວັນທີ 10 ສິງຫາ 2018 ຢູ່ທີ່ຫ້ອງວ່າການປົກຄອງແຂວງວຽງຈັນໄດ້ຈັດກອງປະຊຸມ ປຶກສາຫາລືກ່ຽວກັບການຄົ້ນຄວ້າຜ່ານຮູບພາບທີ່ຈະໄປວາງສະແດງ ແລະ ລາຍຊື່ບໍລິສັດ ທີ່ມາລົງທຶນຢູ່ແຂວງວຽງຈັນ ທີ່ຈະເຂົ້າຮ່ວມງານວາງສະແດງ ຈີນ-ອາຊຽນ ຄັ້ງທີ 15 ປີ 2018 ໂດຍພາຍໃຕ້ການເປັນປະທານຂອງ ທ່ານດາວເຮືອງ ນັນທາວົງ ຮອງເຈົ້າແຂວງໆວຽງຈັນ ແລະ ມີບັນດາພະແນກການ, ຄະນະກຳມະການຮັບຜິດຊອບເຂົ້າຮ່ວມ.

ໃນກອງປະຊຸມຄັ້ງນີ້ແມ່ນໄດ້ປຶກສາຫາລືກັນກ່ຽວກັບການກຳນົດບັນດາຮູບພາບ ທີ່ຈະນຳໄປປະດັບປະດາຫ້ອງວາງສະແດງແຫ່ງຊາດ, ການສັງລວມລາຍຊື່ ຮູບເຮັດບັດເຂົ້າຮ່ວມງານ, ການຈອງປີ້ຍົນ ແລະ ໂຮງແຮມ ພ້ອມທັງຈັດພາຫະນະ ແລະ ງົບປະມານໃນການກະກຽມໃຫ້ງານວາງສະແດງ ສິນຄ້າ-ອາຊຽນເປັນຕົ້ນແມ່ນ: ການຈັດກອງປະຊຸມຜ່ານມາ ແລະ ໃນຕໍ່ໜ້າ, ການຝຶກຊ້ອມສີລະປະວັນນະຄະດີ, ການຖ່າຍຮູບພາບ ແລະ ຖ່າຍວິດີໂອ ຕໍ່ກັບກອງປະຊຸມດັ່ງກ່າວພ້ອມກັນນັ້ນ ກໍ່ຍັງໄດ້ເຫັນດີເປັນເອກະພາບກັນລະດົມທຶນສົມທົບ ເພື່ອຮັບໃຊ້ໃນການເຄື່ອນໄຫວວຽກງານດັ່ງກ່າວໃຫ້ມີຜົນສຳເລັດ.