header

ສະພາປະຊາຊົນແຂວງວຽງຈັນ ຊຸດທີ I ເປີດກອງປະຊຸມສະໄໝສາມັນເທື່ອທີ 5

ກອງປະຊຸມດັ່ງກ່າວ ໄດ້ໄຂຂື້ນຢ່າງເປັນທາງການ ໃນຕອນເຊົ້າມື້ນີ້ 06 ສິງຫາ 2018 ທີ່ຫ້ອງວ່າການປົກຄອງແຂວງວຽງຈັນ,

ໂດຍພາຍໃຕ້ການເປັນປະທານ ຂອງ ທ່ານ ບຸນເພັງ ສາຍນໍລະດີ ປະທານສະພາປະຊາຊົນແຂວງວຽງຈັນ, ໂດຍການເປັນກຽດເຂົ້າຮ່ວມຂອງທ່ານ ວິດົງ ໄຊຍະສອນ ເຈົ້າແຂວງໆວຽງຈັນ, ມີບັນດາການນໍາພັກ-ລັດ, ອາດີດການນໍາພັກ-ລັດ, ຜູ້ແທນກອງປະຊຸມ, ນັກທຸລະກິດ ແລະ ຕາງໜ້າພາກສ່ວນຕ່າງໆເຂົ້າຮ່ວມ.

ທ່ານ ບຸນເພັງ ສາຍນໍລະດີ ໄດ້ກ່າວເປີດກອງປະຊຸມຄັ້ງນີ້ວ່າ :

ກອງປະຊຸມຄັ້ງນີ້ຈະໄດ້ສຸມໃສ່ ພິຈາລະນາຮັບຮອງ ແລະ ຕົກລົງບັນດາບັນຫາທີ່ສຳຄັນພື້ນຖານຂອງແຂວງ ເປັນຕົ້ນແມ່ນຈະໄດ້ຮັບຟັງການປະກອບຄຳເຫັນ ແລະ ຮັບຮອງບົດລາຍງານ ແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ຂອງແຂວງ

  • ຈະຮັບຟັງ ແລະ ປະກອບຄວາມເຫັນກ່ຽວກັບການເຊົ່າ – ສໍາປະທານ ແລະ ການນໍາໃຊ້ທີ່ດິນ ຢູ່ແຂວງວຽງຈັນ,
  • ຈະໄດ້ຮັບຟັງ ແລະ ປະກອບຄວາມເຫັນໃສ່ບົດລາຍງານກ່ຽວກັບວຽກງານພັດທະນາຊົນນະບົດແກ້ໄຂຄວາມທຸກຍາກຕິດພັນກັບວຽກງານ 3 ສ້າງຢູ່ແຂວງວຽງຈັນ,
  • ຈະໄດ້ຮັບຟັງບັນດາມະຕິກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ແລະ ເນື້ອໃນໂທລະສັບສາຍດ່ວນ ກ່ຽວກັບແຂວງວຽງຈັນ,
  • ຈະໄດ້ຮັບຟັງ ແລະ ປະກອບຄວາມເຫັນໃສ່ບົດລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ຂອງອົງການໄອຍະການປະຊາຊົນ ແລະ ສານປະຊາຊົນແຂວງ,
  • ຮັບຟັງ ແລະ ປະກອບຄວາມເຫັນໃສ່ບົດລາຍງານກ່ຽວກັບການຄວບຄຸມ, ການແກ້ໄຂບັນຫາຢາເສບຕິດ ແລະ ອຸບັດຕິເຫດຕາມທ້ອງຖະໜົນຢູ່ແຂວງວຽງຈັນ,
  • ຈະໄດ້ຮັບຟັງ ແລະ ປະກອບຄວາມເຫັນໃສ່ບົດລາຍງານກ່ຽວກັບການຈັດຕັ້ງປະຕິບັດກົດໝາຍ ແລະ ນິຕິກຳໃຕ້ກົດໝາຍຢູ່ແຂວງວຽງຈັນ, ຈະໄດ້ພິຈາລະນາ ແລະ ຮັບຮອງຂໍ້ຕົກລົງຂອງທ່ານເຈົ້າແຂວງໆວຽງຈັນ ຈຳນວນ 1 ສະບັບ ວ່າດ້ວຍ : ການກຳນົດລາຄາຫົວໜ່ວຍທີ່ດິນທົ່ວແຂວງວຽງຈັນ. ເຊິ່ງຂໍ້ຕົກລົງດັ່ງກ່າວນີ້ແມ່ນມີຄວາມໝາຍສຳຄັນຍິ່ງ ເພື່ອສືບຕໍ່ຈັດຕັ້ງຜັນຂະຫຍາຍນະໂຍບາຍຂອງພັກໃຫ້ກາຍເປັນນິຕິກຳອັນລະອຽດ ເພື່ອເພີ່ມເຄື່ອງມືໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມຢູ່ພາຍໃນແຂວງວຽງຈັນໃຫ້ເປັນລະບົບຄົບຖ້ວນກວ່າເກົ່າ ແລະ ກອງປະຊຸມຈະໄດ້ຮັບຟັງ,
  • ປະກອບຄວາມເຫັນ ແລະ ຮັບຮອງບົດສະຫລຸບການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ຂອງສະພາປະຊາຊົນຂັ້ນແຂວງຊຸດທີ I