header

ກອງບັນຊາການ ປກສ ແຂວງວຽງຈັນ ປະການເລຶ່ອນຊັ້ນໃຫ້ນາຍ ແລະ ພົນຕຳຫຼວດ

ໃນຕອນເຊົ້າຂອງວັນທີ 14 ຕຸລາ 2016 ນີ້ ກອງບັນຊາການ ປກສ ແຂວງວຽງຈັນ ປະກາດການ ເລື່ອນຊັ້ນ ໃຫ້ນາຍ ແລະພົນຕຳຫຼວດ ທີ່ຂຶ້ນກອງບັນຊາການ ປກສ ແຂວງວຽງຈັນ ທີ່ມີຜົນງານດີເດັ່ນ, ມີຄວາມຫ້າວຫັນ ເຮັດສຳເລັດໜ້າທີ່ວຽກງານ ທີ່ການຈັດຕັ້ງຂັ້ນເທິງມອບໝາຍໃຫ້ ໂດຍພາຍໃຕ້ການເປັນປະທານຂອງທ່ານ ພັອ ບຸນຊູ ພົງສະຫວັດມີໄຊ  ຄະນະພັກ ຮອງຫົວໜ້າກອງບັນຊາການ ປກສ ແຂວງວຽງຈັນ ມີບັນດາສະຫາຍຕາງໜ້າຫ້ອງ, ກອງພັນ, ຄ້າຍຄຸມຂັງດັດສ້າງ, ກອງບັນຊາການ ປກສ ເມືອງ ພ້ອມດ້ວຍພະນັກງານ-ນັກຮົບເຂົ້າຮ່ວມຢ່າງພ້ອມພຽງ.

ທ່ານ ພັຕ ພິທູນ ວົງສະຫວ່າງ ຮອງຫົວໜ້າຫ້ອງການເມືອງ ຂື້ນຜ່ານຂໍ້ຕົກລົງຂອງກົມໃຫຍ່ການ ເມືອງ ກະຊວງປ້ອງກັນຄວາມສະຫງົບສະບັບເລກທີ 2805/ກມປສ  ລົງວັນທີ 26 ຕຸລາ 2016 ແລະຂໍ້ຕົກລົງຂອງກອງບັນຊາການ ປກສ ແຂວງວຽງຈັນ ສະບັບເລກທີ 7197/ປສຂຈ ລົງວັນທີ 10 ຕຸລາ 2016 ວ່າດ້ວຍການເລຶ່ອນຊັ້ນໃຫ້ນາຍແລະພົນຕຳຫຼວດ ກອງບັນຊາການ ປກສ ແຂວງວຽງຈັນ  ໃນນີ້ເລຶ່ອນຊັ້ນ ຂັ້ນຮ້ອຍຕີ ຂຶ້ນ ຮ້ອຍໂທຈຳນວນ 10 ສະຫາຍ,ຍິງ 3 ສະຫາຍ, ວາທີ ຂຶ້ນຮ້ອຍຕີ ຈໍານວນ 08 ສະຫາຍ,ຍິງ 2 ສະຫາຍ, ສິບເອກຂຶ້ນວາທີຮ້ອຍຕີຈຳນວນ 13 ສະຫາຍ,ຍິງ 1 ສະຫາຍ, ສິບໂທຂຶ້ນສິບເອກ ຈຳນວນ 4 ສະຫາຍ,ຍິງ 1 ສະຫາຍ, ສຕ ຂິຶ້ນສິບໂທ 1 ສະຫາຍ , ຊັ້ນ I ຂຶ້ນສິບຕີ 2 ສະຫາຍ ຍິງ 1 ສະຫາຍ  ຜູ້ທີ່ໄດ້ຮັບການເລື່ອນຊັ້ນຄັ້ງນີ້ລ້ວນແລ້ວແຕ່ໄດ້ຜ່ານການຝຶກຝົນຫຼໍ່ຫຼອມຕົນເອງດ້ານຄຸນສົມບັດ, ຄວາມຮູ້-ຄວາມສາມາດ, ມີຜົນງານດີ, ມີຄວາມຫ້າວຫັນເຮັດສຳເລັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້ ແລະຄົບມາດຖານເງຶ່ອນໄຂເລຶ່ອນຊັ້ນ ໃຫ້ກຽດຂຶ້ນປະດັບຊັ້ນໂດຍແມ່ນທ່ານ ພັອ ບູນຊູ ພົງສະຫວັດມີໄຊ ຄະນະພັກ ຮອງຫົວໜ້າກອງບັນຊາການ ປກສ ແຂວງວຽງຈັນ.

ຕອນທ້າຍແມ່ນໄດ້ຮັບຟັງການໂອ້ລົມຈາກທ່ານ ພັອ ບຸນຊູ ພົງສະຫວັດມີໄຊ ຄະນະພັກ ຮອງຫົວໜ້າກອງບັນຊາການ ປກສ ແຂວງວຽງຈັນ ຢ່າງມີເນື້ອໃນຄວາມໝາຍເລິກເຊິ່ງ ເພື່ອໄປສຶກສາ  ແລະຈັດຕັ້ງປະຕິບັດເຂົາໃນໜ້າທີ່ວຽກງານຕົວຈິງໃຫ້ເກີດດອກອອກຜົນ ແລະມີຜົນງານຍິ່ງໃຫຍ່ຂຶ້ນກວ່າເກົ່າ ທັງນີ້ກໍ່ເພື່ອເຮັດໃຫ້ກຳລັງປ້ອງກັນຄວາມສະຫງົບມີການເຕີບໃຫຍ່ຂະຫຍາຍຕົວ, ມີຄວາມເຂັ້ມແຂງຂື້ນເລື້ອຍໆ ຈາກນັ້ນກໍ່ໃດ້ຮຽກຮ້ອງໃຫ້ພະນັກງານຜູ້ທີ່ໄດ້ຮັບການເລຶ່ອນຊັ້ນໃໝ່ໃນຄັ້ງນີ້ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ຫຼາຍຂື້ນກວ່າເກົ່າ, ຮັກສາມູນເຊື້ອອັນດີງາມນີ້ໄວ້ໃຫ້ໝັ້ນຄົງຕະຫຼອດໄປ ເພື່ອພ້ອມກັນເຮັດສຳເລັດໜ້າທີ່ຕາມທີ່ພັກ - ລັດ ແລະ ປະຊາຊົນມອບໜາຍໃຫ້.