header

ງານປະກວດນາງສາວງາມ ທົ່ງພຽງທີ່ ແຂວງວຽງຈັນ ເປັນເຈົ້າພາບ

ໃນວັນທີ 24 ພະຈິກ 2016 ຜ່ານມາ ແຂວງວຽງຈັນໄດ້ຈັດພິທີປະກວດນາງສາວງາມທົ່ງພຽງຂຶ້ນຢູ່ທີສູນວັດ ທະນະທຳແຂວງວຽງຈັນໂດຍການເປັນປະທານຂອງທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ຫົວໜ້າແນວລາວສ້າງຊາດແຂວງວຽງຈັນເຂົ້າຮ່ວມຂອງທ່ານ ສີພັນດອນ ສີອາພອນຮອງຫົວໜ້າພະແນກຖະແຫຼງຂ່າວ -ວັດ ທະນະທຳ ແລະ ທ່ອງທ່ຽວແຂວງຈັນ, ມີບັນດາຄະນະກຳມະການ, ຄະນະຈັດຕັ້ງພິທີ, ແຂກຖືກເຊີນ ແລະ ນາງສາວຈາກ04ຕົວເມືອງທົ່ງພຽງເຂົ້າຮ່ວມ. ມີຈຸດປະສົ່ງເພື່ອ ປະກວດເອົານາງສາວງາມ ຈຳນວນ 16 ນາງສາວ ເພື່ອເປັນຕົວແທນຂອງແຂວງ ໄປປະກວດໃນງານມະຫາກຳສົ່ງເສີມການທ່ອງທ່ຽວ 06 ແຂວງພາກກາງທີ່ຈະເປີດຂຶ້ນໃນວັນທີ 10-16 ທັນວາ 2016 ທີ່ແດນສະຫວັນເມືອງທຸລະຄົມແຂວງວຽງຈັນ. ການຄັດເລືອກແມ່ນຄັດເລືອກເອົາຕາມການກຳນົດແລະມາດຖານເຊັ່ນ: ມີອາຍຸ, ລວງສູງ, ສັກສວນ, ນ້ຳໜັກ ແລະ ຄຳຕອບຂອງມາດຖານທີ່ກຳນົດໄວ້ ເຊິ່ງມີນາງສາວ ເຂົ້າຮ່ວມງານປະກວດຈາກ 04 ຕົວເມືອງທົ່ງພຽງ ຄື: ເມືອງໂພນໂຮງ, ແກ້ວອຸດົມ, ວຽງຄຳ ແລະ ທຸລະຄົມຈຳນວນ 40ນາງສາວເລືອກເອົາ 16 ນາງສາວແລະ ນາງສາວງາມທີ່ເຂົ້າຮອບເປັນຕົວແທນຕາງໜ້າໃຫ້ແຂວງວຽງຈັນໃນຄັ້ງນີ້ມີນາງ ພອນວິໄລ ສົມສະໝຸດຈາກເມືອງທຸລະຄົມ,ນາງ ມິດດາວອນ ສຸກສະຫວັດ ເມືອງໂພນໂຮງ,ນາງປນວິນາ ຝາລີຂັນ ເມືອງວຽງຄຳ,ນາງ ພິມມະສອນ ມີລາກົງ ເມືອງທຸລະຄົມ,ນາງ ມະໄລທອງ ຫຼວງປັນຍາ ຈາກຄະນະກວດກາແຂວງ, ນາງ ຫວານຄຳ ແກ້ວມາລາວົງ ເມືອງໂພນໂຮງ,ນາງ ມັດສະລິນ ສຸວັນທອນ ເມືອງທຸລະຄົມ,ນາງ ສຸກສະກັນ ຈັນທະລັງສີ ເມືອງວຽງຄຳ,ນາງ ບົວວອນ ແກ້ວມາລາ ເມືອງທຸລະຄົມ,ນາງ ນ້ຳຝົນ ເຄນນາວົງ ເມືອງວຽງຄຳ,ນາງ ໜູເບັງ ປັນຍານຸວົງ ເມືອງທຸລະຄົມ,ນາງ ຕຸ້ນຄຳ ລັດສະໝີ ເມືອງວຽງຄຳ,ນາງ ກຸ້ງກີ່ງ ອຸດົມສຸກ ເມືອງວຽງຄຳ,ນາງ ບົວສະຫວັນ ລາດສະວົງ ເມືອງທຸລະຄົມ,ນາງ ວິໄລພອນ ວິໄລສານ ຈາກທ່ານ ບຸນທຽມບ້ານເມືອງເກົ່າ ແລະ ນາງ ສີສຸພັນ ບດຕະວົງ ຈາກພະແນກພາຍໃນ.