header

ເມືອງເກົ່າໄຜ່ໜາມ ລືນາມອ່າງນ້ຳງື່ມ ຕຳນານເດີມລາຍງ້າວ ອູ່ເຂົ້າຊາວເມືອງ ຄົນເຮືອງຂັບງື່ມ ດື່ມດຳທຳມະຊາດ ປະຊາລາດສາມັກຄີ

ແຂວງວຽງຈັນໄດ້ຈັດກອງປະຊຸມປັບປຸງວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ວຽກງານ 3 ສ້າງແຂວງວຽງຈັນ

ໃນວັນທີ 29 ມີຖຸນາ 2018 ທີ່ຜ່ານມາ ແຂວງວຽງຈັນ ໄດ້ຈັດກອງປະຊຸມວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ວຽກງານ 3 ສ້າງ ແຂວງວຽງຈັນ ຢູ່ທີ່ສະໂມສອນໃຫຍ່ຂອງແຂວງ ໂດຍພາຍໃຕ້ການເປັນປະທານຂອງ ສະຫາຍ ວິດົງ ໄຊຍະສອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆວຽງຈັນ ເຂົ້າຮ່ວມ ມີບັນດາທ່ານໃນຄະນະປະຈຳ, ກຳມະການພັກແຂວງ, ບັນດາການນຳຂອງເມືອງ, ພະແນກການ, ອົງການ, ກົມກອງ ແລະ ພະນັກງານຮາກຖານຂອງຈຸດສຸມເຂົ້າຮ່ວມ.

ກອງປະຊຸມໄດ້ພ້ອມກັນຮັບຟັງການເຜີຍແຜ່, ເຊື່ອມຊຶມເອກະສານ, ມະຕິຕົກລົງຂອງຄະນະປະຈຳພັກແຂວງ ເລກທີ 127/ຄປພ ຂຈ ລົງວັນທີ 21/06/2018 ວ່າດ້ວຍການຖອນພະນັກງານທີ່ລົງເຮັດວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ ແລະ ວຽກງານ 3 ສ້າງ ຢູ່ 4 ຈຸດສຸມພັດທະນາຂອງແຂວງວຽງຈັນ ກັບຄືນກົມກອງ ແລະ ມະຕິຕົກລົງຂອງຄະນະປະຈຳພັກແຂວງ ເລກທີ 128/ຄປພ ຂຈ ລົງວັນທີ 21/06/2018 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳລວມຈຸດສຸຸມ ແລະ ພະນັກງານຮາກຖານຊຸດໃໝ່ ເພື່ອຫັນລົງເຮັດວຽກງານກໍ່ສ້າງຮາກຖານການເມືອງ, ວຽກພັດທະນາຊົນນະບົດ ແລະ ວຽກງານ 3 ສ້າງ ຢູ່ 4 ຈຸດສຸມພັດທະນາຂອງແຂວງວຽງຈັນລະບົບໃໝ່.

ຈຸດປະສົງຂອງການຈັດກອງປະຊຸມຂຶ້ນໃນຄັ້ງນີ້ກໍ່ເພື່ອເປັນການເຮັດໃຫ້ວຽກງານຢູ່ຮາກຖານພັດທະນາຊົນນະບົດ ແລະ ແກ້ໄຂຄວາມທຸກຍາກ ຂອງປະຊາຊົນມີບາດກ້າວຂະຫຍາຍຕົວໃໝ່ ເພື່ອຍົກລະດັບຄຸນນະພາບຊີວິດການເປັນຢູ່ຂອງປະຊາຊົນໃຫ້ດີຂຶ້ນເທື່ອລະກ້າວ.